Read Biatah Bidayuh MAZMUR 54 Bible Online

MAZMUR 54 - Biatah Bidayuh bible

MAZMUR 54

¹[85] Nyiramat aku ngga kuasa Mai, O Tapa; pirupas aku ngga pinyibake Mai!

²Dingah dua ku, O Tapa; nyiringa pinganang ku!

³Bara daya adi sambuh mandŭg di nyerang aku; bara daya adi gaok mbŭh suba an siŭ aku -- bara daya adi dŭh mbit piduri pasar Tapa.

⁴Pak Tapa inŭh pinurung ku. TUHAN inŭh pingibān ku.

⁵Isa-i Tapa pakai arap adŭp pinganyu ku ngga ngukum ngara. Ayŭh re pirabur ngara sabab Ayŭh inŭh tŭtŭd.

⁶Aku re ngga sanang asŭng jugan sadis ka Kaam, O TUHAN; aku re nggen trima kaseh ka Kaam sabab Kaam inŭh kana.

⁷Kaam mbŭh pirupas aku so sopŭrŭg susah ku, ka aku mbŭh kiris bara pinganyu ku dog ngarah.