Read Biatah Bidayuh MAZMUR 6 Bible Online

MAZMUR 6 - Biatah Bidayuh bible

MAZMUR 6

¹[6] TUHAN dŭhnyah pirangi aku darŭm Kaam baji! Dŭhnyah ngukum aku darŭm baji Mai!

²Aku ramah, O TUHAN; masi di aku! Nggen pinyibake di aku; aku ruai kawŭk

³ka pimudip ku ati puno ngga susah. Dŭm tian-ki dinge, O TUHAN, Kaam babŭ dŭh turung aku?

⁴Mandŭg ka nyiramat aku, TUHAN; ngga pinyirasi Mai pirupas aku so pinyikabŭs.

⁵Di sibayan Kaam dŭh dog ingat; mating daya re muji Kaam diginŭ.

⁶Aku mbŭh dŭh sinunuh amai pinyusah; barang ngarŭm ambok ku bisa da sien ku; batar ku dapop da randang batŭh.

⁷Aku mbŭh dŭh tatu kiris; batŭh ku mbŭh raru bŭ amai sien ku sabab bara pinganyu ku.

⁸ Bu so aku, angān daya adi arap! TUHAN dingah sien ku;

⁹Ayŭh dingah sirŭŭn ku mite turung ka re nam dua ku.

¹⁰Bara pinganyu ku re mangŭh amai arah; darŭm riruk ngara re rikas dog pibu.