Read Biatah Bidayuh MAZMUR 64 Bible Online

MAZMUR 64 - Biatah Bidayuh bible

MAZMUR 64

¹[101] Aku dog nyatŭk pinyusah, Tapa -- dingah dua ku! Aku taru pinganyu ku -- nyiramat aku!

²Grindung aku so pekat daya ginaka, so tibaran daya adi arap.

³Ngara ngasa jura ngara keya ka pedang ka nŭtŭn pinganang adi bisā keya ka reja-panah.

⁴Ngara rikas pigarau piminyu kadong ngara; ngara pirusak daya adi kana ngga pinganang adi arap.

⁵Ngara ngasu dingan-i darŭm pekat arap ngara; ngara bisatur diki re na jarat ngara. “Mating daya tungang kiris-i,” sŭn ngara nang.

⁶Ngara bisatur yŭn ndai kayuh adi arap ka nang, “Ata mbŭh ngatur kayuh adi sukup sarah.” Atin ngga pikir manusia susah nŭŭh re puan.

⁷Pak Tapa nimbak-i ngga reja panah-I, ka gŭgŭh ngara mbŭh biragan.

⁸Ayŭh re pirabur ngara sabab pinganang adi mun anŭ;[102] sopŭrŭg adi kiris-i re kuting ubak ngara.

⁹Sopŭrŭg ngara re taru; ngara re pikir kayuh adi Tapa mbŭh ndai ka kidaan pingandai-I.

¹⁰Sopŭrŭg daya tŭnggŭn re gaŭn sabab kayuh adi TUHAN mbŭh ndai. Ngara re siramat darŭm Ayŭh; sopŭrŭg daya kana re muji Ayŭh.