Read Biatah Bidayuh MAZMUR 7 Bible Online

MAZMUR 7 - Biatah Bidayuh bible

MAZMUR 7

¹[7] O TUHAN, Tapa ku, aku mandŭg ka Kaam yŭn pinyigrindung; pirupas aku ka nyiramat aku so ngara adi tadak aku,

²kambŭi dŭh, ngara keya ka singah re taban aku ngga bu, di yŭn daya dŭh dapŭd nyiramat aku, ka diginŭ ngara re nyirigat nyiratak aku.

³O TUHAN, Tapa ku, kambŭi aku mbŭh ndai sarah di daya; kambŭi aku mbŭh jua dingan ku puan kah dŭh biyŭn pada agi ginaka ngga pinganyu ku[8] -- kambŭi aku mbŭh ndai tadŭ tadŭ kayuh anŭ --

⁵bada bara pinganyu ku tadak ka nakap aku, tandah ngara japa ka siŭ aku ka tandah aku di tunduh tana kabŭs!

⁶Makat ngga baji Mai, O TUHAN! Rawan riyŭn bara pinganyu ku; makat meh ka turung aku! Pinyitŭnggŭn inŭh adi raan Mai,

⁷ngapŭi nguruk sopŭrŭg daya bada maning Kaam, ka mritah ngara so sambu.[9]

⁸Kaam inŭh arang yŭn sopŭrŭg manusia. Tingga arap kana ku, O TUHAN; Kaam puan nang aku dŭh sarah.

⁹ Kaam inŭh Tapa adi tŭnggŭn ka puan pikir-kira ngga pinyiraan ami. Pirŭŭ urah ginaka bara daya adi arap ka ngupah ngara adi kana.

¹⁰Tapa inŭh pinyigrindung ku; Ayŭh nyiramat ngara adi tunda pinganang-I.

¹¹Tapa inŭh arang adi tŭnggŭn ka ari ngukum ngara adi ginaka.

¹²Kambŭi ngara dŭh ngubah urah ngara, Tapa re ngasa pedang-I. Ayŭh pawŭt bawŭh-I ka sidia-i yŭn nimbak;

¹³Ayŭh tambit sinyata-I adi bisā ka nŭtŭn reja panah-I adi bijagu apui dieh.

¹⁴Tingga munki daya adi ginaka bipikir di kayuh arap; ngara bisatur an ndai pito ka pirates tipu.

¹⁵Ngara tŭŭn jarat yŭn daya bŭkŭn, gŭt adŭp ngara dog.

¹⁶Jadi ngara dog ngukum arap adŭp ngara ka mbŭh kinaman da urah ganas adŭp-i.

¹⁷Aku jugan trima kaseh ka TUHAN amai pinyitŭnggŭn-I, Aku nang ragu puji ka TUHAN, adi Sambu Sopŭrŭg.