Read Biatah Bidayuh MAZMUR 75 Bible Online

MAZMUR 75 - Biatah Bidayuh bible

MAZMUR 75

¹[132] Kieh nggen trima kaseh ka Kaam, O Tapa, kieh nggen trima kaseh ka Kaam! Kieh piagah munki masam bās-i Kaam ka kidaan[133] pingandai saruh adi Kaam mbŭh ndai.

²“Aku mbŭh natu tika adi ngga Aku nggen bisara,” nang Tapa, “ka Aku dŭh marad kan Aku nggen bisara.

³Sunggu sopŭrŭg kayuh adi ngasŭng kimŭtŭr ka ong bigugoh, Aku re bada puun pinagap rasan-i tagap.

⁴Aku kidaan di ngara adi ginaka bada dŭh sambuh;

⁵Aku kidaan di ngara bada dŭh tia gambung.”

⁶Bisara dŭh mandŭg so timor puan kah so barat, so utara puan kah so siratan;[134]

⁷Tapa inŭh adi arang, ngukum kada daya ka adi pirupas adi bŭkŭn.

⁸TUHAN digŭng saker di tangan-I brisi ngga wain baji-i adi bisā. Ayŭh ren-i, ka sopŭrŭg daya ginaka nok-i; ngara nok-i ndŭg abo.

⁹Pak aku dŭh re rŭŭ minyu pasar Tapa Jacob bait rŭŭ nang ragu puji ka Ayŭh.

¹⁰Ayŭh re bada asur kuasa daya ginaka, pak kuasa daya tŭnggŭn re dog nambah.