Read Biatah Bidayuh PITAS 10 Bible Online

PITAS 10 - Biatah Bidayuh bible

PITAS 10

¹Ati inŭh pitas Solomon: Di anak adi bijak inŭh sama mingangŭn; anak adi budo bada sindŭ-i sangsara!

²Pinyikaya adi kuu dapŭd so aran adi sarah inŭh dŭh kana di kuu, adŭ-i atin adi jujur dapŭd nyiramat asŭng mu.

³TUHAN dŭh re tandah daya adi kana sibŭrŭk, pak Ayŭh re kinarang daya ginaka dapŭd kayuh adi ngara raan.

⁴Udip tibanga re bada kuu sirata, pak bandar nyiraja re bada kuu kaya.

⁵Daya adi bijak nguruk buwa pimuruh kan-i mbŭh tipuh ngatŭm; daya adi bŭŭs di tipuh anŭ re mangŭh.

⁶Daya adi kana re kambat berkat. Buwa pinganang daya ginaka sukan pinyiganas.

⁷Ingat daya adi kana inŭh berkat, pak daya ginaka re rikas dog kambŭt.

⁸Daya adi bijak trima pinyitayan. Daya adi minyu budo re binasa.

⁹Daya adi jujur siramat buang udip bamai, pak daya adi dŭh jujur re dog nakap.

¹⁰Daya adi sukan kayuh adi sawŭ nimbur pito, pak daya adi ngika ngga atin adi sawŭ bada daya bamai.[8]

¹¹Pinganang daya adi kana inŭh atak udip, pak daya ginaka sukan pinyiganas ngga buwa pinganang ngara.

¹² Pinyitiru nimbur pito, pak pinyirindu apun sopŭrŭg adi sarah.

¹³Daya adi pitar minyu ngga bijak, pak daya adi budo an dog ukum.

¹⁴Daya adi bijak nguruk ngga situngang tungang-i pinyipuan, pak kan daya adi budo minyu, pito marar timbur.

¹⁵Pinyikaya grindung daya kaya; pak udip sirata bada daya sirata binasa.

¹⁶Upah pingandai kana inŭh udip, pak dosa kaŭs-i nambah dosa.

¹⁷Daya adi dingah pinganang kan dog nyara re udip, pak ngara adi dŭh ngaku adŭp-i sarah re dapŭd pinŭbŭn adi arap.

¹⁸Daya adi sukan atin tiru-i inŭh pingadong. Daya adi pingitong inŭh daya budo.

¹⁹Kambŭi dŭh ko ko minyu, kuu re nang kayuh adi sarah. Kambŭi kuu bijak, kuu pirŭŭ adŭp mu.

²⁰Pinganang daya adi kana mbŭh keya ka tigŭrŭ pirak; buwa pikir-kira daya ginaka inŭh au-tarun.

²¹Pinganang daya adi kana taban utung di daya bagŭ, pak pinganang budo siŭ adŭp nŭh.

²²Berkat TUHAN inŭh adi bada nŭŭh kaya. Bandar nyiraja dŭh re bada nŭŭh rabis kaya.[9]

²³Daya adi budo gagā ndai pingandai sarah. Daya adi bijak gagā ndai pingandai bijak.

²⁴Daya tŭnggŭn dapŭd kayuh adi ngara raan, pak daya ginaka dapŭd kayuh adi ngara raru taru.

²⁵Daya ginaka manyap dog poh sabak ribut, pak daya jujur ari siramat.

²⁶Dŭhnyah bada daya adi tibanga ndai kayuh yŭn mu; ayŭh re nyusah keya ka suka' di jipŭh mu, puan kah keya ka asuh di batŭh mu.

²⁷Tunda pinganang TUHAN, ka kuu re tui udip. Daya ginaka kabŭs awar.

²⁸Pingarap daya kana taban pinyigaŭn, pak daya ginaka dŭh re dapŭd ani ani.

²⁹TUHAN grindung daya adi jujur, pak siŭ ngara adi ndai sarah.

³⁰Daya tŭnggŭn re ari udip siramat, pak daya ginaka re kinanyap tana ngara.

³¹Daya tŭnggŭn minyu ngga bijak, pak jura adi minyu arap re dog pirŭŭ.

³²Daya tŭnggŭn puan pinganang mandis an-i nang, pak daya ginaka ari nang pinganang adi kandam.