Read Biatah Bidayuh PITAS 19 Bible Online

PITAS 19 - Biatah Bidayuh bible

PITAS 19

¹Kana dŭ udip sirata pak jujur, so nŭŭh jadi daya budo adi gagā kadong.

²Pinyiraan an ndai kayuh buang dŭh biyŭn pinyipuan dŭh inŭh kana; daya adi gupoh re ari ndai sarah.

³Agi daya pirusak adŭp-i ngga pingandai budo-i ka komŭnŭ nyarah TUHAN.

⁴Daya kaya ari dapŭd jerā adi bauh, pak ngara adi sirata ari dog tingge jerā-i.

⁵Kambŭi kuu kadong di yŭn bisara, kuu re dog ukum, ka re dŭh dapŭd pirupas adŭp mu.

⁶Barang naan daya suba an bijerā ngga daya adi dapŭd turung ngara.

⁷Daya adi sirata dŭh dog rindu madis adŭp-i; ngapŭi ayŭh dŭh biyŭn jerā. Bandar bandar bait kani ayŭh suba jiroh jerā, dŭh ayŭh dapŭd.[25]

⁸Tadak pinyipuan inŭh ndai kana di adŭp; Ka ingat kayuh adi kuu mbŭh birajar re bada kuu mujur.

⁹Daya adi kadong di yŭn bisara dŭh dapŭd pirupas adŭp-i; ayŭh tatu re binasa.

¹⁰Daya adi budo dŭh patut udip kaya, ka urun dŭh siŭn mritah bara pinguasa.

¹¹Kambŭi kuu bijak, kuu dapŭd jaga baji tuas mu. Kan daya ndai sarah di kuu, pinyikana bās inŭh kuu apun ayŭh.

¹²Baji raja inŭh keya ka ngŭr singah, pak pinyikana-i inŭh keya ka sipot-abun di tunduh pimuruh.

¹³Anak adi budo bisa pirabur pimas-i. Sawŭn adi pinyikaii inŭh keya ka piin adi piraseg adŭp-i bititeg.

¹⁴Daya dapŭd kambat duit ngga ramin so pimas-i, pak TUHAN sadi adŭ adi dapŭd nggen di ayŭh sawŭn adi kana.

¹⁵Udip tibanga re bada kuu rŭrŭ bŭŭs, pak kuu re sikirau.

¹⁶Sita ukum-adat Tapa ka kuu re udip tui; kambŭi kuu nyibireu-i, kuu re kabŭs.

¹⁷Kan kuu turung daya adi sirata, anŭ inŭh keya ka nginjam kayuh ka TUHAN, ka adŭp TUHAN re bayar kuu.

¹⁸Disiplin anak mu san ngara gi-mara. Kambŭi dŭh, kuu turung ngara pirusak adŭp-i.[26]

¹⁹Awang adŭp daya adi udah baji naman serang pingandai adŭp-i. Kambŭi kuu ndi sidah pirupas ayŭh so pinyusah-i, kuu re ndai simŭnŭ dinge.[27]

²⁰Kambŭi kuu dingah pinyitayan ka raan birajar, pinŭbŭn-i kuu re bijak.

²¹Daya bisa bisatur ndai bagŭ masam kayuh, pak pinyiraan TUHAN inŭh adi re jadi.

²²Udip tama re bada nŭŭh mangŭh; udip daya sirata inŭh kana dŭ so jadi pingadong.

²³Tunda pinganang TUHAN ka kuu re tui udip, sanang buang siramat so pinyusah.

²⁴Agi daya adi ruai tibanga ndŭg ka na pinguman di baba adŭp-i dŭh gŭh an.

²⁵Daya adi sambuh patut dog ukum, isa daya adi dŭh puan kayuh bisa birajar. Kambŭi kuu bijak, kuu re birajar kan kuu dog nyara.

²⁶Kaŭs-i anak adi arap ka adi nggen mangŭh inŭh adi arap ngga sama-i, puan kah adi pibu sindŭ-i so ramin-i.

²⁷Nak, kambŭi kuu dŭh tia birajar, kuu re rikas kambŭt kayuh adi kuu mbŭh birajar.

²⁸Pinyitŭnggŭn dŭh dog pimanu kan saksi mbŭh natu adŭp-i raan kandam daya. Daya ginaka rindu di sap kraja pingandai adi arap.

²⁹Daya budo adi sambuh manŭn re dog pukong.