Read Biatah Bidayuh EKLISIASTIS 11 Bible Online

EKLISIASTIS 11 - Biatah Bidayuh bible

EKLISIASTIS 11

¹Nyikŭn duit darŭm dagang di rais tami; agi andu kuu re dapŭd utung.

²Nyikŭn duit mu di bagŭ yŭn, amai kuu dŭh puan ani nasip arap adi re nyatŭk kuu sundis andu di ong ati.

³Dŭh puan kamaki nuju tŭngŭn kayuh tumbang; betang-i re babŭ diginŭ di yŭn-i tumbang. Kan-i mbŭh kruman, andu ujen.

⁴Kambŭi kuu kajŭn kurang sabak ngga andu mandis, kuu dŭh re dapŭd purun ani ani ka dŭh re ngatŭm ani ani.

⁵Tapa napa sopŭrŭg kayuh, ka nŭŭh dŭh dapŭd mirati pingandai-I mun nŭŭh dŭh mirati munki asŭng manusia timbur darŭm ite sindŭ-i.

⁶Purun bine mu ngga isan isan ka ngga singumi andu. Kuu dŭh re puan bait-i sopŭrŭg-i re timbu, bait kah aki ndi adi re piruah bagŭ dŭ buwa.

⁷Kana raru inŭh kambŭi dapŭd pimunos adŭp nŭh ngga jawa mandis isan isan.

⁸Nggen trima kaseh yŭn barang sawa nŭŭh udip. Munki masam tui nŭŭh udip, nŭŭh re rabis tui kabŭs. Ani meh re nŭŭh harap.

⁹Angān adi babŭ mara, pimunos adŭp ngan ngga udip mara ngan. Nyipawŭn adŭp ngan darŭm angān gibabŭ mara. Ndai kayuh adi angān raan, ka tunda pinyiraan atin ngan. Pak ingat Tapa re tingga arap kana ngan di barang kraja pingandai ngan.

¹⁰Dŭhnyah tandah daya nyusah angān puan kah kandam angān. Angān dŭh re tui mara.