Read Biatah Bidayuh ISAIAH 20 Bible Online

ISAIAH 20 - Biatah Bidayuh bible

ISAIAH 20

¹So ka pesan Sargon, adi raja-empaya Assyria, pingubak bās bara tibaran soldadu Assyria nyerang Ashdod, adi kupo daya Philistine.

²Taruh sawa diŭ so anŭ TUHAN mbŭh kidaan di Isaiah anak Amoz bada kadi kasut-i ka banang guni adi-i nēn. Ayŭh nurut ka panu sitagor ka dŭh bikasut.

³Kan Ashdod dog ngarah, TUHAN nang, “Urun Ku Isaiah muko bijaruh panu sitagor ka dŭh bikasut sitŭkŭd taruh sawa. Ati inŭh tandā kayuh adi re jadi di Egypt ngga Ethiopia.

⁴Raja-empaya Assyria re taban bara daya-takap sitagor adi-i nakap so soduwŭh rais anŭ. Mara ngga minyamba, ngara re panu sitagor buang dŭh bikasut, ka kubab ngara abo tatŭng, pimangŭh Egypt.

⁵Ngara adi ko na pinyabah ngara di Ethiopia ka mbŭh mingangŭn pasar Egypt re riruk ka asa.

⁶Kan tipuh anŭ mbŭh mandŭg, daya adi rŭŭ di bŭngŭn rawŭt rais Philistia re nang, ‘Tingga kayuh adi mbŭh jadi di daya adi yŭn ata bisangan yŭn pinyigrindung so raja-empaya Assyria! Simuki meh ata re siramat?’ ”