Read Biatah Bidayuh ISAIAH 23 Bible Online

ISAIAH 23 - Biatah Bidayuh bible

ISAIAH 23

¹ Ati inŭh agah pasar Tyre. Nyikaong ngga susah, angān bara adi pimanu kapar adi di rawŭt! Kupo ngan di Tyre mbŭh dog pirabur; Ramin ngga pinyigŭn ngan mbŭh rusak. Darŭm angān pari so Cyprus, angān dingah agah-i.

²Sien meh, angān daya dagang Sidon! Angān pait daya

³mutas rawŭt da jua ka miris gandom so Egypt ka ndai dagang ngga sopŭrŭg bangsa.

⁴Kupo Sidon, kuu mbŭh dog pimangŭh! Rawŭt ngga rasan rawŭt bās abah ngaku kuu ka nang, “Aku bŭn biyŭn anak. Aku bŭn nyiran anak dari bait anak dayung.”

⁵Ndŭg ka daya Egypt gŭh re gŭgŭh ka susah kan-i dingah pasar Tyre mbŭh dog pirabur.

⁶Nyikaong ngga susah, angān daya Phoenicia! Suba angān bu ka Spain!

⁷Ati kah kupo Tyre adi ari pawŭn, adi dog pijog jah? Ati kah kupo adi pait daya-i bada birayar mutas rawŭt ka natu adŭp ngara rŭŭ di rais adi jo?

⁸Asi anŭ adi ngatur sopŭrŭg kayuh ati bada nyatŭk Tyre, kupo adi bayah anŭ, adi bara daya dagang-i mbŭh raru kaya ka dog stabi di ndi ong ong?

⁹TUHAN Bisa-pŭrŭg inŭh adi ngatur-i simŭnŭ. Ayŭh ngatur-i simŭnŭ ngga pirŭŭ atin ngara adi mingangŭn di kayuh adi ngara mbŭh ndai ka ngga pimangŭh ngara adi dog stabi.

¹⁰Panu di biteya birŭmŭh, angān daya adi rŭŭ di Spain! Mating daya re tia grindung angān.[31]

¹¹TUHAN mbŭh pakat tangan-I mutas rawŭt ka pitumbang pritah pritah. Ayŭh mbŭh nggen pinganang bada puun puun tarun yŭn bidagang dog pirabur.

¹²Kupo Sidon, pinyigaŭn mu mbŭh mungan, ka daya mu mbŭh dog kinanyuh. Sunggu ngara bu ka Cyprus bait kani, ngara dŭh gŭh re siramat.

¹³(Daya Babylon inŭh anŭ, ka dŭh daya Assyria, adi bada dāng dāng tarun nguba Tyre. Daya Babylon inŭh adi pijog tawā tawā ngga nyikapung pinganyu; ngara inŭh adi nyirubuh kuta kuta di Tyre, ka bada kupo anŭ rusag.[32])

¹⁴Nyikaong ngga susah, angān daya adi pimanu kapar adi di rawŭt! Kupo adi yŭn ngan bisangan mbŭh dog pirabur.

¹⁵Tipuh-i re mandŭg kan Tyre re dog kambŭt sitŭkŭd ju puru sawa, umbur ndi naan raja. Kan tipuh anŭ mbŭh ripuan, Tyre re jadi keya ka dayung sundar di ragu ati:

¹⁶Taban kachapi mu, panu maning kupo, kuu dayung sundar adi dog kambŭt! Main ka nang ragu mu dinge isa daya ingat kuu dinge!

¹⁷Kan ju puru sawa anŭ mbŭh ripuan, TUHAN re bada Tyre pari ndai dagang-i ngga sopŭrŭg pritah di ong.

¹⁸Duit adi dog dapŭd so dagang re dog nitah ka TUHAN. Duit anŭ dŭh re dog nyikŭn, pak dog pakai ngga miris pinguman ka piraka adi dog biguna daya adi nyambah TUHAN.