Read Biatah Bidayuh ISAIAH 64 Bible Online

ISAIAH 64 - Biatah Bidayuh bible

ISAIAH 64

¹Mani Kaam dŭh nyiratak adŭ rangit bada tikuka, ka nŭŭh mūn ka sagān?

²Ngara re bigagar mun piin nyigurak di tunduh apui. Mandŭg ka pinandŭng kuasa Mai di bara pinganyu Mai, ka bada bangsa bangsa kimŭtŭr di sirung jawin Mai!

³Dawŭ-i Kaam mandŭg ka ndai pingandai tikŭnŭd adi dŭh kieh sangka; darŭd kiris Kaam ka bigŭgŭs sabab taru.

⁴ Mating daya mbŭh kiris bait dingah Tapa adi mun Kaam, adi ndai pingandai adi mun anŭ yŭn ngara adi na pingarap di Kaam.

⁵Kaam trima daya adi gaŭn ndai kayuh adi batur, ngara adi ingat adŭp-i udip nanyam ka pinyiraan Mai. Kaam baji di kieh, pak kieh babŭ ndai dosa. Pŭn ka Kaam mbŭh raru baji pak kieh ngandŭ ndai sarah so jaman jah.[78]

⁶Sopŭrŭg kieh taŭn mbŭh bidosa; ndŭg ka urah rakah ami adi siabo kana babŭ gŭh kais ka sembar. Sabab dosa ami kieh mbŭh keya ka dawŭn kayuh adi rayu adi mikabur dog poh sabak.

⁷Mating daya bidua ka Kaam; mating daya tudu Kaam mite turung. Kaam mbŭh sukan adŭp Mai so kieh ka mbŭh tagan[79] kieh sabab dosa ami.

⁸Pak Kaam inŭh sama ami, TUHAN. Kieh keya ka tana-riyat, ka Kaam keya ka tukang priok. Kaam napa kieh,

⁹ka dŭhnyah baji di kieh bait adu adu ingat dosa ami. Kieh inŭh daya Mai; masi di kieh.

¹⁰Kupo kupo Mai adi kudus mbŭh keya ka tarun tana-pajam; Jerusalem mbŭh nyibawang,

¹¹ka Ramin TUHAN, tarun yŭn adi kudus ka sangŭn adi yŭn tayung-babuk ami muji Kaam, mbŭh rabur bada apui. Sopŭrŭg tarun adi kieh rindu mbŭh rusag.

¹²TUHAN, gimanyam kah Kaam kiris sopŭrŭg kayuh anŭ? Dŭh kah Kaam re ndai ani ani, ka re tandah kieh sangsara rabis so tungang kieh nyijŭn?