Read Biatah Bidayuh LEVITICUS 1 Bible Online

LEVITICUS 1 - Biatah Bidayuh bible

LEVITICUS 1

¹TUHAN bagan Moses so darŭm Bari TUHAN ka nggen di ayŭh atur adat ati

²adi daya Israel an ari sita kan ngara jugan sadis ngara. Kan angān jugan sadis dāng, ayŭh an ndi so sapi ngan puan kah biri ngan puan kah kambing ngan.

³Kambŭi angān jugan ndi so sapi ngan ndu sadis badang, angān dŭh siŭn dŭh taban dari sapi adi pidanah. Angān dŭh siŭn dŭh an taban-i ka baŭm tiban Bari TUHAN isa TUHAN trima angān.

⁴Angān an na tangan ngan di tunduh ubak dāng anŭ, ka-i re dog trima jadi sadis ngga taran dosa ngan.

⁵Angān an siŭ dari sapi anŭ diginŭ, ka bara imam adi so asar Aaron an jugan deya dāng anŭ ka TUHAN, ka komŭnŭ naui-i di so-pat parad mija-sambah adi di rawa tiban Bari TUHAN.

⁶Komŭnŭ angān an nganyit dāng anŭ, ka natad-i,

⁷ka bara imam an ngatur uwang di tunduh mija-sambah ka pisakŭt-i.

⁸Ngara an na di apui tatad tatad dāng anŭ, samŭn ubak ngga ramak-i.

⁹Angān dŭh siŭn dŭh an ngu isi pŭrŭng samŭn kaja kaja-i, ka imam adi dapu kraja di tika anŭ an mŭrŭng badang sadis anŭ di tunduh mija-sambah. Dagŭn sadis pinguman anŭ pimunos asŭng TUHAN.

¹⁰Kambŭi angān jugan ndi so biri ngan puan kah kambing ngan, dāng anŭ dŭh siŭn dŭh dari adi pidanah.

¹¹Angān an siŭ dāng anŭ di parad mija-sambah tura ka utara, ka bara imam an naui deya dāng anŭ di so-pat parad mija-sambah.

¹²Ripas angān muko natad-i, imam adi dapu kraja di tika anŭ an na sopŭrŭg tatad anŭ di tunduh apui samŭn ubak ngga ramak ramak-i.

¹³Angān dŭh siŭn dŭh an ngu isi pŭrŭng dāng anŭ, samŭn kaja kaja-i, ka imam anŭ re jugan sadis anŭ ka TUHAN, ka badang sadis anŭ di tunduh mija-sambah. Dagŭn sadis pinguman anŭ pimunos asŭng TUHAN.

¹⁴Kambŭi angān jugan ndi manuk ndu sadis badang, manuk anŭ dŭh siŭn dŭh an manuk asang puan kah manuk tikukur.

¹⁵Imam anŭ an jugan-i di mija-sambah, mŭrŭs tungo-i ka badang ubak-i di tunduh mija-sambah. Deya-i an dog taran di tigang mija-sambah.

¹⁶Ayŭh an kadi kukon manuk anŭ ka taran samŭn isi-i tura ka timor parad mija-sambah di yŭn apŭk dog na.

¹⁷Ayŭh an digen so-duwŭh urad manuk anŭ ka nyiratak pŭrŭng-i, pak dŭh bada urad-i pata; komŭnŭ badang abo abo pŭrŭng-i di mija-sambah. Dagŭn sadis pinguman anŭ pimunos asŭng TUHAN.