Read Biatah Bidayuh LEVITICUS 27 Bible Online

LEVITICUS 27 - Biatah Bidayuh bible

LEVITICUS 27

¹TUHAN nggen di Moses

²atur-adat ati yŭn daya Israel: Kan tadŭ so angān mbŭh dog nggen ka TUHAN ngga pijadi payu, daya anŭ siŭn dog pirupas ngga rega nimun adi dog nyusud simuti,

³nanyam ka anŭ adi mbŭh dog miratak di Bari TUHAN: -- 60 sawa ka sambu: dari: 15 kiping duit pirak dayung: 10 kiping duit pirak -- di asah 20--60 sawa: dari: 50 kiping duit pirak dayung: 30 kiping duit pirak -- di asah 5--20 sawa dari: 20 kiping duit pirak dayung: 10 kiping duit pirak -- di ribo 5 sawa: dari: 5 kiping duit pirak dayung: 3 kiping duit pirak.

⁸Kambŭi tadŭ so angān bipayu ka paŭh sirata re bayar nanyam ka adi mbŭh dog miratak, daya anŭ siŭn taban ayŭh ka imam, ka imam siŭn ngurang rega bada nanyam ka adi tungang daya anŭ bayar.

⁹Kambŭi payu ngan agi jeja ka dāng adi bisa dog trima ndu sadis ka TUHAN, taŭn barang pinganggen adi dog jugan ka TUHAN inŭh kudus,

¹⁰ka angān dŭh siŭn gati dāng anŭ ngga dāng bŭkŭn. Kambŭi angān ndai simŭnŭ, so-duwŭh dāng anŭ mbŭh tung TUHAN.

¹¹Pak kambŭi payu ngan agi jeja ka dāng adi kais nanyam ka adat, adi dŭh bisa dog trima ndu sadis ka TUHAN, angān siŭn taban dāng anŭ ka imam.

¹²Imam anŭ siŭn miratak rega-i, nanyam arap kana-i, ka rega anŭ re dŭh siŭn dog ngubah.

¹³Kambŭi angān raan miris-i pari, angān dŭh siŭn dŭh bayar rega anŭ ngga tambah 20 piratus.

¹⁴Kan tadŭ so angān nyikudus ramin ngan ka TUHAN, imam siŭn miratak rega-i nanyam arap kana-i, ka rega anŭ dŭh siŭn dog ngubah.

¹⁵Kambŭi angān raan miris ramin ngan pari, angān dŭh siŭn dŭh bayar rega-i ngga tambah 20 piratus.

¹⁶Kambŭi tadŭ so angān nyikudus pire tana ngan ka TUHAN, rega-i siŭn nanyam kiang bine adi sadang dog nabur dieh, mun simŭng kiping pirak yŭn barang 20 kilogram jeri.

¹⁷Kambŭi tana anŭ rasu dog nyikudus ripas Sawa Pinyipari, rega puno-i an dog bayar.

¹⁸Kambŭi angān nyikudus-i di tadŭ nga-i ripas anŭ, imam anŭ siŭn natu rega-i nanyam ka sawa sawa adi dŭm diŭ so Sawa Pinyipari adi re mandŭg, ka nganŭ rega re kurang dŭ.

¹⁹Kambŭi angān raan miris pari tana ngan anŭ, angān dŭh siŭn dŭh bayar rega-i ngga tambah 20 piratus.

²⁰Kambŭi angān jua tana anŭ ka daya bŭkŭn sibayuh-i dog miris pari so TUHAN, angān mbŭh kinanyap hak ngan ngga miris-i pari.

²¹Ngga Sawa Pinyipari adi re mandŭg tana anŭ re jadi rata adi ruro yŭn TUHAN, ka re dog dapu bara imam.

²²Kambŭi angān nyikudus ka TUHAN tana adi angān muko miris,

²³imam siŭn natu rega-i nanyam kiang sawa adi agi ndŭg Sawa Pinyipari adi re mandŭg, ka angān dŭh siŭn dŭh bayar rega-i di andu anŭ gŭh; duit anŭ TUHAN dapu.

²⁴Ngga Sawa Pinyipari tana anŭ siŭn dog pari ka daya adi sibungas dapu-i puan kah ka bara sesang-i.

²⁵Sopŭrŭg rega siŭn dog ngŭtŭ nanyam ka anŭ adi dog miratak di Bari TUHAN.

²⁶Anak bungas dāng taŭn mbŭh TUHAN dapu, ngapŭi mating daya siŭn jugan-i ka Ayŭh ndu sadis adi dog jugan so pinyiraan atin adŭp. Anak sapi, anak biri puan kah anak kambing taŭn-i mbŭh TUHAN dapu,

²⁷pak anak bungas dāng adi kais nanyam ka adat siŭn dog miris pari ngga rega adi muko dog miratak di Bari TUHAN, ngga 20 piratus yŭn tambah bayar-i. Kambŭi-i dŭh dog miris pari, anak dāng anŭ siŭn dog jua ka daya bŭkŭn ngga rega adi dog miratak di Bari TUHAN.

²⁸ Ndi so angān dŭh gŭh siŭn jua puan kah miris pari kayuh adi angān muko ngga siabo atin nitah[12] ka TUHAN, bait-i manusia, dāng, puan kah tana. Kayuh anŭ mbŭh ruro TUHAN dapu.

²⁹Manusia adi muko dog nitah ngga siabo atin sirabi ka dŭh siŭn dog miris pari; ngara dŭh siŭn dŭh dog siŭ.

³⁰ Ndi utung so simŭng so sopŭrŭg buwa tana, bait gandom puan kah buwa kayuh, mbŭh TUHAN dapu.

³¹Kambŭi angān raan miris pari tadŭ tadŭ so kayuh anŭ, angān dŭh siŭn dŭh bayar kiang rega adi muko dog miratak di Bari TUHAN ngga 20 piratus tambah-i.

³²Ndi so barang simŭng pŭrŭng dāng kudip mbŭh TUHAN dapu. Di tika dāng dog mirang, barang pŭrŭng numbor 10 TUHAN dapu.

³³Angān dŭh siŭn ngatur dāng ngan isa sinadan adi arap dog mien, ka angān dŭh siŭn nyambi dāng dāng anŭ. Kambŭi angān nyambi ndi pŭrŭng dāng ngga ndi dāng adi bŭkŭn, so-duwŭh dāng anŭ dog dapu TUHAN, ka-i dŭh siŭn dog miris pari.

³⁴Anŭ inŭh pesan adi TUHAN nggen di Moses di Darŭd Sinai yŭn daya Israel.