Read Biatah Bidayuh JEREMIAH 13 Bible Online

JEREMIAH 13 - Biatah Bidayuh bible

JEREMIAH 13

¹TUHAN bada aku di miris sinjang rajut banang linen ka rasu nēn-i; pak Ayŭh kijaman aku na-i di piin.

²Jadi aku miris ka nēn-i.

³Komŭnŭ TUHAN minyu ngga aku dinge, nang-I,

⁴“Di ka Yang Euphrates ka sukan sinjang rajut anŭ di sapad batuh.”

⁵Jadi aku di ka sukan-i sindŭk Yang Euphrates.

⁶Dŭh tui ripas anŭ TUHAN bada aku pari ka Yang Euphrates di tambit sinjang rajut anŭ.

⁷Jadi aku pari, ka kan aku mbŭh ndŭg tarun yŭn aku sukan-i, aku kiris-i mbŭh rusak ka dŭh tia biguna.

⁸Komŭnŭ TUHAN minyu ngga aku dinge. Ayŭh nang,

⁹“Simŭnŭ inŭh Aku re pirabur uap-sambuh Judah ngga uap-sambuh Jerusalem.

¹⁰Bara daya adi arap anŭ abah nundok di Aku. Ngara baking ka babŭ ginaka, ka mbŭh nyambah ka bituan di tapa tapa bŭkŭn. Ngapŭi meh, ngara re jadi mun sinjang rajut anŭ adi mbŭh dŭh tia biguna.

¹¹Nimun sinjang rajut dog nyisŭt di kupong, simŭnŭ gŭh Aku raan sopŭrŭg daya Israel ngga daya Judah bidigŭng tagap di Aku. Aku ndai simŭnŭ isa ngara bisa jadi daya Ku ka taban puji ka stabi ka adŭn Ku; pak ngara dŭh nundok di Aku.”

¹²TUHAN Tapa nang di aku, “Jeremiah, kidaan di daya Israel nang barang tipayan wain patut dog ngisi ngga wain. Ngara re nam nang adŭp-i puan barang tipayan wain patut dog ngisi ngga wain.

¹³Komŭnŭ kidaan di ngara nang Aku, adi TUHAN, re ngisi daya di tarun tana ati ngga wain ndŭg ka ngara mabuk: raja raja, adi sesang David, bara imam, bara nabi, ngga sopŭrŭg daya adi rŭŭ di Jerusalem.

¹⁴Komŭnŭ Aku re mapar ngara mun tipayan papar amai tipaka dupan adŭp-i, adi minyamba ngga adi mara. Aku re pirabur ngara ngga dŭh kira masi bait kira apun.”

¹⁵Daya Israel, TUHAN mbŭh minyu! Pirapat adŭp ngan ka dingah Ayŭh.

¹⁶Stabi di TUHAN, adi Tapa ngan, diŭ so Ayŭh taban pinyikarŭm, ka angān sikak sikakong di darŭd; diŭ so Ayŭh bada jadi karŭm patŭ' jawa adi angān harap.

¹⁷Kambŭi angān abah dingah, Aku re sien darŭm bisukan sabab uap-sambuh ngan; Aku re nyisakuk sien, ka randang batŭh ku re pripasog ruah sabab daya TUHAN mbŭh dog taban ngga bu jadi daya-takap.

¹⁸TUHAN minyu ngga aku, “Kidaan di raja ngga di sindŭ-i bada mūn so takta ngara, sabab makota ngara adi ramus anŭ mbŭh rabu so ubak ngara.[15]

¹⁹Kupo kupo di siratan Judah mbŭh dog nyikapung; mating daya tungang mutas tudu-i. Sopŭrŭg daya Judah mbŭh dog taran ka rais tami.”

²⁰Jerusalem, tingga! Pinganyu mu mbŭh mandŭg so utara! Diki daya adi kuu grindung, daya adi kuu raru ngangŭn?

²¹Ani re mu nang kan daya adi kuu nyirundeng jerā mu nyerang kuu ka mritah kuu?[16] Kuu re naman adŭp mu mun dayung naman sarang andam re biranak.

²²Kambŭi kuu siken mani sopŭrŭg kayuh anŭ jadi di kuu; mani piraka mu tiratak ka mani kuu dog miragag. Puan meh nang anŭ mbŭh sabab dosa mu raru sipŭ.

²³Dapŭd kah daya singŭt nukar kala kurit-i, bait busing tarun kadi biritik-i? Kambŭi dapŭd, kuu adi ari ndai arap dapŭd gŭh birajar ndai kayuh adi batur.

²⁴TUHAN re bada kuu papar sasah mun siriyang adi dog poh sabak so tarun tana-pajam.

²⁵Ayŭh mbŭh nang anŭ inŭh re pinŭbŭn mu. Anŭ inŭh kayuh adi Ayŭh mbŭh natu an ndai di tunduh mu sabab kuu mbŭh kambŭt Ayŭh ka mbŭh bisangan di tapa tapa kadong.

²⁶Adŭp TUHAN re pirukos piraka mu ndŭg ka kuu sitabet ka dog pimangŭh.

²⁷Ayŭh mbŭh kiris kuu ndai kayuh adi-I tiru. Ayŭh mbŭh kiris kuu tadak tapa tapa adat karŭm di sandah ka di ŭmŭh, mun ndi naan daya ripong di sawŭn rasū-i bait mun dari kuda adi mingaras tadak dayung kuda. Daya di Jerusalem, mŭmbŭh inŭh angān! Sinde meh angān re jadi bisig?