Read Biatah Bidayuh JEREMIAH 47 Bible Online

JEREMIAH 47 - Biatah Bidayuh bible

JEREMIAH 47

¹ Diŭ so raja Egypt nyerang Gaza, TUHAN minyu ngga aku pasar Philistia.

²Ayŭh nang: “Tingga! Piin maad di utara ka re nyarab mun piin uba. Piin anŭ re ngapuh tarun tana ngga sopŭrŭg kayuh adi agi dieh, kupo kupo ngga bara daya adi rŭŭ dieh. Daya re bagan mite turung; barang naan di ong re nyisakuk sien.

³Ngara re dingah jawŭn kuda sigudab, prikarok jawŭn krita krita kuda, ka prikarek jawŭn kaja kaja krita kuda. Pimas re dŭh pari di tambit anak anak ngara; tangan ngara mbŭh ramah ka dŭh bigaya.

⁴Tika-i mbŭh mandŭg ngga pirabur Philistia, ka matŭd sopŭrŭg pinurung adi dog trima Tyre ngga Sidon. Aku, adi TUHAN, re pirabur daya Philistine, sopŭrŭg ngara adi mandŭg so tabing Crete.

⁵Pinyusah bās mbŭh nyatŭk daya di Gaza, ka daya Ashkelon gŭh dŭh nang ani ani. Ndŭg sinde ngara adi daya Philistia adi bŭkŭn ngurid?

⁶Angān nyirais nang, ‘Pedang TUHAN! Ndŭg sinde meh kuu japa? Pari ka sibong mu, rŭŭ diginŭ ka paya meh!’

⁷Pak simuki-i re rŭŭ-paya, kan Aku mbŭh bada-i nyiraja? Aku mbŭh pesan-i bada nyerang Ashkelon samŭn daya adi rŭŭ di tabing rawŭt.”