Read Biatah Bidayuh EZEKIEL 15 Bible Online

EZEKIEL 15 - Biatah Bidayuh bible

EZEKIEL 15

¹TUHAN minyu ngga aku.

²“Manusia,” Ayŭh nang, “munki tŭngŭn anggor kambŭi danding ngga tŭngŭn kayuh? Ani kana daan anggor kambŭi danding ngga tŭngŭn kayuh di tarun?

³Bisa kah kuu pakai-i ngga ndai tadŭ tadŭ kayuh? Bisa kah kuu pakai-i ngga ndai pagu yŭn tangid kayuh?

⁴Adŭ-i kana ngga ndai apui? Kan soduwŭh tŭbŭn-i mbŭh sau ka rapŭt-i mbŭh jadi ŭbŭ, bisa kah kuu pakai-i ngga ndai kayuh?

⁵Diŭ so-i dog badang taŭn-i mbŭh dŭh biguna. Madin-i muko dog badang ka mbŭh jadi ŭbŭ, ayŭh mbŭh rabis dŭh biguna.”

⁶Ati inŭh kayuh adi TUHAN Raja nang, “Nimun tŭngŭn anggor dog tambit so tarun ka dog badang, simŭnŭ gŭh Aku re tambit daya adi rŭŭ di Jerusalem

⁷ka re ngukum ngara. Ngara mbŭh pirupas adŭp ngara so ndi apui, pak madin apui re badang ngara. Kan Aku ngukum ngara, kuu re puan nang Aku ati TUHAN.

⁸Ngara dŭh tŭtŭd di Aku, ngapŭi Aku re bada rais ngara jadi tarun tana-pajam.” TUHAN Raja mbŭh minyu.