Read Biatah Bidayuh EZEKIEL 19 Bible Online

EZEKIEL 19 - Biatah Bidayuh bible

EZEKIEL 19

¹TUHAN bada aku nang ragu pinyusah ati yŭn duwŭh naan anak raja Israel:

²Sindŭ mu keya ka dayung singah! Ayŭh mira anak anak-i di dupan dari singah adi mangah.

³Ayŭh mira ndi anak-i ka ngajar-i ngasū; anak anŭ birajar man manusia.

⁴Bangsa bangsa dingah pasar ayŭh ka mirakap ayŭh darŭm rubang. Pakai sikait ngara tarik ayŭh ka Egypt.

⁵Sindŭ-i kajŭn ndŭg ka mating tia pingarap-i. Komŭnŭ ayŭh ngajar anak-i adi bŭkŭn, ka-i jadi singah adi mangah.

⁶Kan ayŭh mbŭh bās baga, ayŭh biayo ngga singah adi bŭkŭn. Ayŭh gŭh birajar ngasū ka man manusia.

⁷Ayŭh nyirubuh kuta,[36] ayŭh pirabur kupo kupo. Daya tarun tana rais anŭ raru taru kan-i ngŭr.

⁸Bangsa bangsa tikuruk an rawan ayŭh; daya mandŭg so barang yŭn. Ngara tŭŭn jaring ngga nakap ayŭh ka ayŭh rakat di jarat ngara.

⁹Ngara na ayŭh darŭm kirungan ka taban ayŭh ka raja Babylonia. Ngara bada daya adi tukang jaga nguan ayŭh, isa jawŭn ngŭr-i dŭh tia dog dingah di tibung sandah sandah Israel.

¹⁰Sindŭ mu keya ka tŭngŭn anggor[37] dog purun sindŭk ndi anak sungi. Sabab diginŭ bagŭ piin, tŭngŭn-i pidawŭn ka buān.

¹¹Daan-i bake, ndŭg ka jadi sikud-pinyipritah raja. Tŭngŭn anggor anŭ masang jadi raru bigatung ndŭg abun; barang naan daya kiris munki masam pidawŭn ka bigatung tŭngŭn anggor anŭ.

¹²Pak daya adi baji dimbut-i ka taran-i ka tana. Sabak timor bada buwa-i pisŭk. Daan-i pata, rayu ka dog badang.

¹³Madin ayŭh dog purun di tarun tana-pajam, di tarun tana badŭh ka mating piin.

¹⁴Betang tŭngŭn anggor anŭ dog man apui; daan ngga buwa-i sau. Daan-i re dŭh tia bake, re dŭh tia jadi sikud-pinyipritah raja. Ati inŭh ragu pinyusah adi pari pari dog nang.