Read Biatah Bidayuh EZEKIEL 42 Bible Online

EZEKIEL 42 - Biatah Bidayuh bible

EZEKIEL 42

¹Komŭnŭ daya anŭ taban aku ka badag sapa ka nguru aku ka ndi ramin adi tura ka utara Ramin TUHAN, dŭh jo so ramin adi tura ka barat tŭbŭn Ramin TUHAN.

²Ramin anŭ rimŭh puru mita ambu ka duwŭh puru rimŭh mita buka-i.

³Ndi parad ramin anŭ nura atong tarun adi simŭng mita buka-i di bŭngŭn Ramin TUHAN, ka di parad anŭ ndi ayŭh nura pekan batuh adi di badag sapa. Ramin anŭ bitakah taruh, ka barang takah siging nisit ka darŭm so anŭ adi di ribo-i.

⁴Di tura ka utara ramin anŭ agi ndi tiburong-aran adi rimŭh mita buka-i ka rimŭh puru mita ambu-i,[98] ka tiban tiban-i nura ka utara.

⁵Birit birit adi di takah sambu sŭ dŭ so anŭ adi di takah rapŭt ngga anŭ adi di takah sagān sabab-i siging nisit ka darŭm.

⁶Birit birit di sopŭrŭg taruh takah anŭ inŭh di tunduh betang-birit ka dŭh dog nukang ngga tiang tiang bās mun ramin ramin adi bŭkŭn adi di badag anŭ.

⁷Di takah sagān, sindung sapa ramin anŭ inŭh duwŭh puru-rimŭh mita ambu-i, sitangah ambu ramin anŭ; ka agi birit birit dog ndai di tadŭh ambu tarun anŭ adi duwŭh puru-rimŭh mita. Di takah tibung-i agi birit birit di sikŭd kŭd ambu ramin anŭ.

⁹Di ribo duwŭh birit anŭ di tŭbŭn tura ka timor ramin anŭ, di yŭn sindung badag piguru, agi tiban adi nuju badag sapa. Di parad ka siratan Ramin TUHAN agi ramin adi brimun, dŭh jo so ramin adi di parad barat Ramin TUHAN.

¹¹Di jawin birit birit-i agi tiburong-aran mun anŭ adi di parad ka utara. Kŭd-i samah, gaya-i brimun, ka tiban tiban-i brimun.

¹²Agi ndi tiban di ribo birit birit di parad ka siratan ramin anŭ, anŭ inŭh, di tŭbŭn tura ka timor di yŭn sindung anŭ piguru.

¹³Daya anŭ nang di aku, “Soduwŭh ramin anŭ inŭh kudus. Di ramin anŭ imam imam adi bisa bidapŭd situra jawin ngga TUHAN man pinganggen adi siabo kudus. Sabab birit anŭ kudus, imam imam an na pinganggen adi siabo kudus diginŭ: sadis ruwang kayuh ngga sadis taran dosa, bait sadis bayar gati rugi.

¹⁴Kan imam imam muko mŭrŭt Ramin TUHAN ka raan di ka badag sapa, ngara dŭh siŭn dŭh tingge di birit birit anŭ piraka kudus adi ngara nēn di tika ndai kraja ngga bituan di TUHAN. Ngara dŭh siŭn dŭh kasŭk piraka adi bŭkŭn diŭ so ngara ruah ka tarun yŭn bara daya bagŭ tikuruk.”

¹⁵Kan daya anŭ muko ngŭkŭd tarun adi tura ka darŭm Ramin TUHAN, ayŭh taban aku ruah so tiban timor, ka ngŭkŭd tarun tura ka sapa.

¹⁶Ngga sikud pingŭkŭd anŭ ayŭh ngŭkŭd parad ka timor, ka-i 250 mita.

¹⁷Komŭnŭ ayŭh ngŭkŭd parad ka utara, parad ka siratan, parad ka barat; ka barang parad anŭ agi birŭkŭd ambu-i, 250 mita.[99]

²⁰Ngga simŭnŭ meh sindung nyindung misagi tarun adi 250 mita di barang parad. Sindung anŭ nyidŭrŭ kayuh adi kudus so kayuh adi dŭh kudus.