Read Biatah Bidayuh PINYIKIANG 31 Bible Online

PINYIKIANG 31 - Biatah Bidayuh bible

PINYIKIANG 31

²“Kuu re kabŭs, pak kuu an diŭ ngukum bara daya Midian amai kayuh adi ngara ko ndai di daya Israel.”

³Jadi Moses nang di daya bagŭ, “Sidia adŭp ngan yŭn biperang, isa angān bisa nyerang daya Midian ka ngukum ngara amai kayuh adi ngara ko ndai di TUHAN.

⁴So barang tibaran-asar Israel pait siribu naan dari bada biperang.”

⁵Jadi siribu naan dari mbŭh dog mien so barang tibaran-asar, ngga prungun simŭng-duwŭh ribu naan dari mbŭh sidia yŭn biperang.

⁶Moses bada ngara matak biperang di ribo kuasa Phinehas adi anak dari imam Eleazar, adi taban kayuh kayuh kudus so Bari TUHAN samŭn trompet trompet yŭn pakai di tika biperang.

⁷Ngara nyerang daya Midian, nimun TUHAN ko pesan di Moses, ka siŭ sopŭrŭg adi dari,

⁸samŭn rimŭh naan raja daya Midian: Evi, Rekem, Zur, Hur, ka Reba. Ngara siŭ gŭh Balaam anak dari Beor.

⁹Daya Israel nakap bara dayung daya Midian samŭn bara anak-sŭ, tambit sapi sapi ngga biri biri ngara, sirapas sopŭrŭg pinyikaya ngara,

¹⁰ka sigot sopŭrŭg kupo samŭn bari ngara.

¹¹Ngara taban ngga bu sopŭrŭg kayuh adi mbŭh ngara sirapas, daya daya-takap samŭn dāng dāng,

¹²ka taban-i ka yŭn Moses, imam Eleazar ngga sopŭrŭg daya Israel adi agi di tarun yŭn bibari di rabak Moab di pah mandi Yang Jordan, bistatang ngga Jericho.

¹³Moses, Eleazar, ngga sopŭrŭg pinguru daya Israel adi bŭkŭn ruah so tarun yŭn bibari di bidapŭd ngga bara soldadu.

¹⁴Moses rasu tuas di bara pingubak, pingibās soldadu, ka bara soldadu, adi mbŭh mari ko biperang.

¹⁵Ayŭh siken ngara, “Mani angān dŭh siŭ sopŭrŭg dayung ati?

¹⁶ Ingat ngan, bara dayung inŭh adi tunda ajar Balaam di Beor adi bada daya Israel dŭh tŭtŭd di TUHAN. Anŭ inŭh adi taban sesak-andam ka bara daya TUHAN.

¹⁷Jadi madin siŭ sopŭrŭg anak dari samŭn bara dayung adi dŭh tia tibŭn,

¹⁸pak tambit yŭn adŭp ngan sopŭrŭg dayung tibŭn, bait-i anak dayung puan kah adi mbŭh sadang banan.

¹⁹Jadi madin angān adi mbŭh siŭ daya bait adi mbŭh tama tadang dŭh siŭn dŭh rŭŭ di sapa tarun yŭn bibari sitŭkŭd ju andu. Di andu adi taruh ka di andu adi ju pibisig adŭp ngan samŭn bara dayung adi angān mbŭh nakap.

²⁰Angān dŭh siŭn dŭh gŭh pibisig barang piraka ngga sopŭrŭg kayuh adi dog ndai so birurang, so buruh kambing, puan kah so kayuh.”

²¹Imam Eleazar nang di bara dari adi mbŭh mari biperang, “Ati inŭh atur-adat adi TUHAN mbŭh nggen di Moses.

²²Kayuh kayuh adi dŭh re dog badang mun mas, pirak, timaga, basi, tin, puan kah timah, an dog ngasap ngga apui ngga pibisig-i. Sopŭrŭg adi bŭkŭn an dog pibisig ngga piin adat pibisig.

²³

²⁴Di andu adi ju angān dŭh siŭn dŭh ngu piraka ngan; simŭnŭ angān jadi bisig nanyam ka adat ka bisa mŭrŭt ka tarun yŭn bibari.”

²⁵TUHAN nang di Moses.

²⁶“Kuu ngga Eleazar, samŭn bara pinguru daya Israel adi bŭkŭn, an ngitong sopŭrŭg kayuh adi ko dog sirapas, samŭn bara daya-takap ka dāng dāng.

²⁷Kutung nyinuwŭh sopŭrŭg-i, ndi utung yŭn bara soldadu ka ndi utung yŭn bara daya Israel adi bŭkŭn.

²⁸So utung adi bara soldadu dapu, tambit yŭn suke ka TUHAN ndi naan so rimŭh ratus naan daya-takap, ka simŭnŭ gŭh ngga sapi, kaldi, biri, ka kambing.

²⁹Nggen-i ka Imam Eleazar ndu pinganggen adi grua ka TUHAN.

³⁰So utung adi bara daya Israel adi bŭkŭn dapu, tambit yŭn TUHAN ndi naan so barang rimŭh puru naan daya-takap, ka simŭnŭ gŭh ngga sapi, kaldi, biri, ka kambing. Nggen-i di bara daya Levi adi sita Bari TUHAN.”

³¹Moses ngga Eleazar ndai nimun adi TUHAN mbŭh pesan di Moses.

³²Ati inŭh susud kayuh adi mbŭh dog sirapas bara soldadu, ngga nambah anŭ adi ngara mbŭh tambit: 675,000 biri ngga kambing, 72,000 sapi, 61,000 kaldi, ka 32,000 dayung tibŭn.

³³

³⁴

³⁵

³⁶Sitangah utung bara soldadu inŭh 337,500 biri ngga kambing, so anŭ 675 ndu suke ka TUHAN; 36,000 sapi yŭn bara soldadu, so anŭ 72 ndu suke ka TUHAN; 30,500 kaldi yŭn bara soldadu, so anŭ 61 ndu suke ka TUHAN; ka 16,000 bara dayung tibŭn yŭn bara soldadu, so anŭ 32 ndu suke ka TUHAN.

³⁷

³⁸

³⁹

⁴⁰

⁴¹Jadi Moses nggen di Eleazar suke anŭ ndu pinganggen adi grua ka TUHAN, nimun adi TUHAN ko pesan.

⁴²Utung yŭn bara daya Israel brimun ngga tung bara soldadu: 337,500 biri ngga kambing, 36,000 sapi, 30,500 kaldi, ka 16,000 naan dayung tibŭn.

⁴³

⁴⁴

⁴⁵

⁴⁶

⁴⁷So utung ati Moses tambit ndi so barang rimŭh puru naan daya-takap ngga dāng, ka nimun TUHAN ko pesan, nggen-i ka bara daya Levi adi sita Bari TUHAN.

⁴⁸Komŭnŭ bara pingubak adi ko nguasa bara soldadu di ka yŭn Moses

⁴⁹ka nang, “Tuan, kieh mbŭh ngitong bara soldadu di ribo ami, ka ndi naan mating gŭh manyap.

⁵⁰Jadi kieh taban pimakai mas, garang tangan, garang kaja, sisin, sigating, ka kukong adi kieh ko sirapas. Kieh jugan-i ka TUHAN ndu pinyibayar yŭn asŭng ami, isa TUHAN grindung kieh.”

⁵¹Moses ngga Eleazar kambat mas anŭ, adi mbŭh sopŭrŭg-i pimakai mas.

⁵²Prungun pinganggen so bara pingubak soldadu agi rabis 200 kilogram.

⁵³Ngara adi dŭh pingubak nyikŭn tung ngara kayuh sirapas.

⁵⁴Jadi Moses ngga Eleazar taban mas anŭ ka Bari TUHAN, isa TUHAN grindung daya Israel.