Read Biatah Bidayuh PINYIKIANG 34 Bible Online

PINYIKIANG 34 - Biatah Bidayuh bible

PINYIKIANG 34

¹TUHAN nggen di Moses

²atur-adat ati yŭn bara daya Israel: “Kan angān mŭrŭt Canaan, tarun tana adi Aku nggen di angān, baat baat tarun tana ngan re simuti:

³Ambu baat re so tarun tana-pajam Zin tura ka siratan nŭdŭs baat Edom. Anŭ re piguru di tura ka timor di tŭbŭn Rawŭt Pide di siratan.

⁴Komŭnŭ adu adu nuju Ateng Akrabbim ka mutas Zin jeh ka siratan ndŭg Kadesh Barnea. Komŭnŭ biruit ka utara tura ka barat nuju Hazar Addar ka komŭnŭ ndŭg Azmon,

⁵di yŭn-i re biruit nuju rubān di baat Egypt ndŭg Rawŭt Mediterranean.

⁶“Baat di tura ka barat inŭh re Rawŭt Mediterranean.

⁷“Baat di tura ka utara re tunda siri Mediterranean ndŭg Darŭd Hor

⁸ka so nŭ ndŭg Ateng Hamath. Anŭ re adu adu ka Zedad

⁹ndŭg Ziphron, ka re sikasŭn-i ndŭg Hazar Enan.

¹⁰“Baat tura ka timor re tunda siri Hazar Enan ndŭg Shepham.

¹¹So nŭ-i re mūn ka siratan ka Harbel, tura ka timor Ain, ka radus ndŭg tarun tana sandah tura ka timor tabing Danu Galilee,

¹²komŭnŭ nuju siratan kadŭg Yang Jordan ndŭg Rawŭt Pide. “Anŭ inŭh pat siri baat tana ngan.”

¹³ Jadi Moses nang di bara daya Israel, “Anŭ inŭh tana adi angān re dapu pakai taran dadu, tana adi TUHAN mbŭh nitah yŭn prii sitangah tibaran-asar.

¹⁴Tibaran-asar Reuben ngga tibaran-asar Gad ka sitangah so tibaran-asar Manasseh di tura ka timor mbŭh dapŭd tung ngara utung tana, adi dog kutung nanyam ka rawang ngara,

¹⁵di tura ka timor Yang Jordan bistatang ngga Jericho.”

¹⁶TUHAN nang di Moses,

¹⁷“Imam Eleazar ngga Joshua anak Nun re tukang kutung tana yŭn bara daya Israel.

¹⁸So barang tibaran-asar bada ndi naan pinguru turung ngara kutung-i.”

¹⁹Ati inŭh bara daya adi TUHAN mbŭh mien: [Tibaran-asar] — [Pinguru] Judah — Caleb anak Jephunneh Simeon — Shelumiel anak Ammihud. Benjamin — Elidad anak Chislon Dan — Bukki anak Jogli Manasseh — Hanniel anak Ephod Ephraim — Kemuel anak Shiphtan Zebulun — Elizaphan anak Parnach Issachar — Paltiel anak Azzan Asher — Ahihud anak Shelomi Naphtali — Pedahel anak Ammihud

²⁹Anŭ inŭh bara daya adi TUHAN tijuan bada kutung tana bisaka yŭn bara daya Israel di tarun tana Canaan.