Read Biatah Bidayuh PINYIKIANG 36 Bible Online

PINYIKIANG 36 - Biatah Bidayuh bible

PINYIKIANG 36

¹Pingubak pingubak rawang manak Gilead, adi anak dari Machir ka sukuh Manasseh anak Joseph, di ka yŭn Moses ka bara pinguru adi bŭkŭn.

² Ngara nang, “TUHAN ko pesan kaam da kutung tana di daya Israel pakai taran dadu. Ayŭh gŭh ko pesan kaam da nggen bisaka madis ami Zelophehad di bara anak dayung-i.

³Pak ingat, kambŭi ngara banŭh bara dari so tibaran-asar adi bŭkŭn, bisaka ngara re dog dapu tibaran-asar anŭ, ka prungun adi dog nitah yŭn ami re jadi nisŭ.

⁴Darŭm Sawa Pinyipari, kan sopŭrŭg buat-rata adi mbŭh dog jua dog pari ka sibungas daya adi dapu-i, buat-rata bara anak dayung Zelophehad re mŭrŭt tibaran-asar bara dari adi ngara banŭh. Ngga simŭnŭ meh buat-rata anŭ re manyap so tibaran-asar ami.”

⁵Jadi Moses nggen di daya Israel pesan ati so TUHAN. Ayŭh nang, “Kayuh adi tibaran-asar Manasseh nang inŭh batur,

⁶ka ngapŭi meh TUHAN nang bara anak dayung Zelophehad siŭn banŭh tadŭ tadŭ daya ngara raan pak di dupan tibaran-asar adŭp ngara.

⁷Buat-rata barang naan daya Israel re babŭ darŭm tibaran-asar adŭp-i.

⁸Barang naan dayung adi trima bisaka darŭm tibaran-asar Israel dŭh siŭn dŭh banŭh dari so tibaran-asar anŭ. Ngga simŭnŭ inŭh sopŭrŭg daya Israel re dapu bisaka so tayung-babuk ngara,

⁹ka buat-rata anŭ dŭh re bu so tibaran-asar ndi di ka tibaran-asar andi. Barang tibaran-asar re adu adu dapu buat-rata adŭp-i.”

¹⁰Jadi Mahlah, Tirzah, Hoglah, Milcah, ka Noah, adi bara anak dayung Zelophehad, ndai nimun adi TUHAN mbŭh pesan di Moses, ka banŭh bitungar adŭp ngara.

¹²Ngara banan darŭm manak manak tibaran-asar Manasseh anak Joseph, ka buat-rata ngara babŭ darŭm tibaran-asar sama ngara.

¹³Anŭ inŭh atur ngga atur atur-adat adi TUHAN nggen di bara daya Israel so ka Moses di rabak Moab di pah mandi Yang Jordan, bistatang ngga Jericho.