Read Biatah Bidayuh PINYIKIANG 7 Bible Online

PINYIKIANG 7 - Biatah Bidayuh bible

PINYIKIANG 7

¹Kan Bari TUHAN mbŭh abo dog pijog Moses, ayŭh nginyo ka nyikudus Bari anŭ ngga sopŭrŭg pingakas-i, samŭn mija-sambah ngga sopŭrŭg pingakas-i.

²Komŭnŭ pingubak manak adi pinguru tibaran-asar Israel, anŭ inŭh ngara adi pimanu pimirang,

³taban pinganggen ngara ka TUHAN: nŭm tibande krita-sapi ngga simŭng duwŭh dari sapi, ndi tibande krita-sapi so barang duwŭh naan pinguru ngga ndi dari sapi so barang naan pinguru. Ripas ngara ko nggen-i

⁴TUHAN nang di Moses,

⁵“Kambat pinganggen anŭ ngga ndai kraja di Bari Ku; nggen-i di daya Levi nanyam ka kraja adi patut ngara ndai.”

⁶Jadi Moses nggen krita krita-sapi ngga dari dari sapi anŭ di daya Levi.

⁷Ayŭh nggen duwŭh krita-sapi ka pat dari sapi di bara daya Gershon,

⁸ka pat krita-sapi ngga mai dari sapi di bara daya Merari. Sopŭrŭg kraja ngara an dog ndai di ribo kuasa Ithamar anak Aaron.

⁹Pak Moses dŭh nggen tibande krita-sapi bait sapi di bara daya Kohath, sabab kayuh kayuh kudus adi ngara jaga re agi dog taban ngara di kawin ngara.

¹⁰Bara pinguru gŭh taban dudu pinganggen ngga sita gawai atur adat nyikudus mija-sambah. Kan ngara mbŭh sidia re jugan pinganggen ngara di mija-sambah,

¹¹TUHAN nang di Moses, “Kidaan di ngara nang barang andu darŭm tipuh simŭng duwŭh andu ndi naan so bara pinguru an jugan pinganggen-i yŭn atur adat nyikudus mija-sambah.”

¹²Ngara jugan pinganggen ngara nunda ka susud atur ati: [Andu] — [Tibaran-asar] — [Pinguru] Sibungas-i — Judah — Nahshon anak Amminadab Adi duwŭh — Issachar — Nethanel anak Zuar Adi taruh — Zebulun — Eliab anak Helon Adi pat — Reuben — Elizur anak Shedeur Adi rimŭh — Simeon — Shelumiel anak Zurishaddai Adi nŭm — Gad — Eliasaph anak Deuel Adi ju — Ephraim — Elishama anak Ammihud Adi mai — Manasseh — Gamaliel anak Pedahzur Adi prii — Benjamin — Abidan anak Gideoni Adi simŭng — Dan — Ahiezer anak Ammishaddai Adi simŭng ndi — Asher — Pagiel anak Ochran Adi simŭng duwŭh — Naphtali — Ahira anak Enan Pinganggen adi barang naan taban agi brimun: ndi makuk pirak adi bat-i 1.5 kilogram, ka ndi sambong adi bat-i 800 gram, nanyam ka timbang adi dog miratak di Bari TUHAN, soduwŭh-i puno ngga tibaduk bigaur ngga inyo yŭn sadis ruwang kayuh; ndi pinggen mas adi bat-i 110 gram, ka puno ngga kimanyan; ndi anak dari sapi, ndi d(...)

⁸⁴Prungun pinganggen adi dog taban simŭng duwŭh pinguru yŭn atur adat nyikudus mija-sambah inŭh simuti: -- 12 makuk pirak ngga 12 sambong pirak adi prungun bat-i 27.6 kilogram, -- 12 pinggen mas adi prungun bat-i 1.32 kilogram, ka puno ngga kimanyan, -- 12 pŭrŭng dari sapi, 12 pŭrŭng dari biri, 12 anak biri adi ndi sawa umbur-i, samah ngga sadis ruwang kayuh, yŭn sadis badang. -- 12 kambing yŭn sadis taran dosa, -- 24 dari sapi, 60 dari biri, 60 kambing, 60 anak biri adi ndi sawa umbur-i, yŭn sadis bidingan.

⁸⁹Kan Moses mŭrŭt Bari TUHAN di minyu ngga TUHAN, ayŭh dingah TUHAN minyu ngga adŭp-i so sambu tutu adi di tunduh Pati Simanya, di asah duwŭh cherubim.[1]