Read Biatah Bidayuh PINYIKIANG 9 Bible Online

PINYIKIANG 9 - Biatah Bidayuh bible

PINYIKIANG 9

¹ TUHAN nang di Moses di Tarun tana-pajam Sinai darŭm sibungas buran darŭm sawa adi duwŭh ripas daya Israel bu so Egypt. Ayŭh nang,

²“Di andu adi simŭng pat darŭm buran ati, piguru so batŭh andu simŭdŭp, daya Israel an sita gawai Paska nanyam ka sopŭrŭg atur ngga atur-adat adi mbŭh dog ndai yŭn gawai anŭ.”

⁴Jadi Moses kidaan di bara daya bada sita gawai Paska,

⁵ka ngga singumi andu di andu adi simŭng pat darŭm sibungas buran ngara ndai simŭnŭ di Tarun tana-pajam Sinai. Bara daya ndai sopŭrŭg kayuh nanyam ka pesan TUHAN di Moses.

⁶Pak diginŭ agi kada daya adi mbŭh kais nanyam ka adat sabab ngara mbŭh tama tadang, ka dŭh tungang sita gawai Paska di andu anŭ. Ngara di ka Moses ngga Aaron

⁷ka nang, “Kieh ati mbŭh kais sabab kieh mbŭh tama tadang, pak mani kieh dog kijaman jugan sadis ka TUHAN samah bara daya Israel adi bŭkŭn?”

⁸Moses nam, “Kajŭn ndŭg ka aku mbŭh kambat pinganang so TUHAN.”

⁹TUHAN kidaan di Moses

¹⁰da nang di daya Israel, “Kan tadŭ so angān puan kah sesang ngan kais amai ko tama tadang, puan kah adi jo darŭm pimanu-i, pak babŭ an sita gawai Paska,

¹¹ayŭh dog nyibandar sita-i ndi buran ripas anŭ, ngga singumi andu di andu adi simŭng pat darŭm buran adi duwŭh. Ayŭh an sita-i pakai ruti dŭh-biragi ngga dawŭn dawŭn kayuh adi pa'it.

¹² Ayŭh dŭh siŭn tandah tadŭ tadŭ pinguman anŭ ndŭg andu jawa ndi, ka ayŭh dŭh siŭn mata turang tadŭ tadŭ dāng anŭ. Ayŭh patut sita gawai Paska nanyam ka sopŭrŭg atur adat-i.

¹³Pak kambŭi tadŭ tadŭ so angān bisig nanyam ka adat ka dŭh jo darŭm pimanu ka dŭh sita gawai Paska, daya anŭ dŭh re tia dog nyirundeng daya Ku, sabab ayŭh dŭh jugan sadis-i ka Aku di tika adi mbŭh dog natu. Ayŭh dŭh siŭn dŭh dapu tanggong di sarah adŭp-i.

¹⁴“Kambŭi daya pinami adi rŭŭ di ruang ngan raan sita gawai Paska, ngara dŭh siŭn dŭh sita-i nanyam ka sopŭrŭg atur ngga atur-adat. Ukum-adat anŭ taŭn yŭn sopŭrŭg daya, bait-i daya Israel puan kah daya pinami.”

¹⁵Di andu Bari TUHAN dog pijog, abun mandŭg ka nutu-i. Singarŭm abun anŭ mun apui.

¹⁷Niap kari abun anŭ makat, bara daya Israel natas bari ngara, ka bibari bauh di tarun bŭkŭn adi yŭn abun anŭ mūn.

¹⁸Bara daya natas bari nanyam ka pesan TUHAN, ka nanyam ka pinyipesan-I gŭh ngara pijog-i dinge. Sitŭkŭd abun anŭ gibabŭ rŭŭ nyirungan Bari TUHAN, ngara rŭŭ bibari diginŭ gŭh.

¹⁹Kan abun anŭ tui rŭŭ nyirungan Bari TUHAN, ngara tunda pinganang TUHAN ka dŭh bipindah so nŭ.

²⁰Agi andu abun anŭ yŭn yŭn nyirungan Bari TUHAN batur duwŭh taruh andu adŭ; mŭnŭ bait kani, pinyirŭŭ ngara puan kah makat bipindah, mbŭh nanyam ka pesan TUHAN.

²¹Agi andu-i abun anŭ diginŭ batur so singumi andu ndŭg isan isan andu jawa ndi adŭ; ka ngara rasu makat mindah adŭp ngara atas abun anŭ makat. Niap kari abun anŭ makat, ngara makat bipindah gŭh.

²²Bait-i duwŭh andu, ndi buran, ndi sawa, puan kah rabis tui-i, sitŭkŭd abun anŭ gibabŭ nyirungan Bari TUHAN, ngara dŭh bipindah; pak kan-i makat, ngara bipindah gŭh.

²³Ngara pijog bari ka natas-i nanyam ka pesan TUHAN so baba Moses.