Read Biatah Bidayuh ZECHARIAH 3 Bible Online

ZECHARIAH 3 - Biatah Bidayuh bible

ZECHARIAH 3

¹ TUHAN kiren dinge keya ka darŭm pŭmŭh Joshua, adi Imam Bās, mijog di sirung jawin malaikat TUHAN. Ka sindŭk Joshua agi Shetan[2] mijog, sidia an nyarah ayŭh.

² Malaikat TUHAN[3] nang di Shetan, “Isa-i TUHAN nunggu kuu, Shetan! Isa-i TUHAN adi rindu Jerusalem, nunggu kuu. Daya ati inŭh keya ka apŭg kayuh adi dog tarik so apui.”

³Joshua mijog diginŭ, nēn piraka adi raru kais.

⁴Malaikat anŭ nang di pinurung pinurung-i di shorga, “Taran piraka kais adi daya ati nēn.” Komŭnŭ ayŭh nang di Joshua, “Aku mbŭh kadi dosa mu ka re nggen di kuu piraka bauh bada kuu nēn.”

⁵Ayŭh bada pinurung pinurung anŭ na[4] bubok adi bisig di ubak Joshua. Ngara sawŭ ndai simŭnŭ, ka komŭnŭ ngara kasŭk piraka bauh di ayŭh atan malaikat TUHAN mijog diginŭ.

⁶Komŭnŭ malaikat kidaan di Joshua nang

⁷TUHAN Bisa-pŭrŭg agi nang: “Kambŭi kuu tunda ukum-adat Ku ka ndai kraja adi Aku mbŭh nggen di kuu, kuu re babŭ jadi tukang nguasa Ramin Ku, ka simŭnŭ gŭh tukang ngatur badag-i, ka Aku re dingah dua mu, nimun Aku dingah dua dua bara malaikat adi agi di sirung jawin Ku.

⁸ Dingah Joshua, kuu adi Imam Bās; ka dingah, angān bara imam adi samah ngga ayŭh, angān adi tandā tipuh kana adi re: Aku re pinandŭng urun Ku, adi dog kadŭn Daan!

⁹Aku na ndi batuh adi ju jawin-i di sirung jawin Joshua. Aku re mŭŭt turis dieh, ka darŭm ndi andu Aku re taran dosa rais ati.

¹⁰ Kan andu anŭ mandŭg, barang naan angān re bagan rasū ngan bada mandŭg ka sua kinyam damai ngga pinyipagŭng, dog kirurung teya anggor ngga tŭngŭn tŭngŭn ara ngan.”