Read Biatah Bidayuh MARK 16 Bible Online

MARK 16 - Biatah Bidayuh bible

MARK 16

¹Kan andu Sabbath mbŭh ripuan, Mary Magdalene, Mary adi sindŭ James, ka Salome di miris rapah rapah an-i na di tadang Jesus.

²Awar isan isan andu Minggu, ngga pinusak batŭh andu, ngara di ka kubur.

³Di aran ngara nang dupan adŭp-i, “Asi meh re sigen batuh anŭ yŭn ta so rubang kubur anŭ?” (Anŭ taŭn mbŭh tibande batuh.) Pak kan ngara mbŭh ndŭg nŭ, ngara kiris batuh anŭ mbŭh dog ngana so rubang kubur.

⁵Jadi ngara mŭrŭt kubur anŭ, ka kiris ndi naan bujang dari guru tura ka tauh, nēn piraka ambu buda. Ngara gŭgŭh.

⁶“Dŭhnyah taru,” ayŭh nang. “Aku puan angān jiroh Jesus so Nazareth, adi ko dog masak di rigang. Ayŭh mating digiti; Ayŭh mbŭh dog pakat so kabŭs! Tingga ati, yŭn ngara ko piguring Ayŭh.

⁷ Panu angān di nggen pinganang ati ka bara murid-I, samŭn Peter: ‘Ayŭh mbŭh di ka Galilee diŭ so angān; diginŭ angān re kiris Ayŭh, nimun adi ko-I kidaan di angān.’ ”

⁸Jadi ngara ruah ka bikaduh bu so kubur, susah buang taru. Ngara dŭh nang ani ani di tadŭ tadŭ daya, sabab ngara mbŭh taru. [

⁹[35]Ripas Jesus makat so kabŭs awar isan isan andu minggu, Ayŭh nandŭng di Mary Magdalene, adi so-I ko pibu ju umot.

¹⁰Ayŭh di kidaan di bara dingan-I. Ngara aŭn ngurid buang sien;

¹¹ka kan ngara dingah ayŭh nang Jesus udip ka adŭp-i agi kiris Ayŭh, ngara dŭh sabah ayŭh.

¹²Ko anŭ, Jesus pinandŭng adŭp-I ngga gaya adi bŭkŭn di duwŭh naan murid-I adi bŭkŭn adi panu ka sapa tarun tana rais.

¹³Ngara pari ka kidaan di ngara adi bŭkŭn, pak ngara dŭh an sabah.

¹⁴Sikasŭn-i, Jesus pinandŭng adŭp-I di ngara adi simŭng-ndi naan darŭm ngara guru man. Ngga tuas Ayŭh nang di ngara, sabab ngara kurang pinyabah buang paŭh baking dŭh an sabah ngara adi kiris Ayŭh udip.

¹⁵ Ayŭh nang di ngara, “Panu angān ka barang yŭn di ndi ong ong ka nyuse Agah Kana ka sopŭrŭg bangsa daya.

¹⁶Asi asi adi sabah ka dog baptisa re siramat; asi asi adi dŭh sabah re dog nunggu.

¹⁷Ngara adi sabah re dog nggen kuasa ngga ndai pingandai-nginga: ngara re pibu umot ngga adŭn Ku; ngara re minyu piminyu saruh.

¹⁸Kambŭi ngara tama jippŭh puan kah nok rasun, ngara dŭh re mani mani; ngara re na tangan-i di tunduh daya adi birandam, ka ngara re bua.”

¹⁹ Kan Tuhan Jesus ko minyu ngga ngara, Ayŭh dog paad ka shorga ka guru tura ka tauh Tapa.

²⁰Bara murid-I panu ka ngajar di barang yŭn. Tuhan nyiraja ngga ngara ka ngga pingandai-nginga adi ngara ndai Ayŭh mbŭh kiren ajar ngara agi sawŭ.] [PINŬBŬN ADI AMBA ANŬ NDI [36] Bara dayung anŭ di ka Peter ka bara dingan-i, ka nggen di ngara pinyiripot adi purok pasar sopŭrŭg kayuh adi ko dog kidaan di ngara. Ripas anŭ, adŭp Jesus bada bara murid-I nyuse so timor ndŭg barat agah adi kudus adi udip adu adu pasar pinyiramat adi tan adu adu.]