Read Biatah Bidayuh DITRONOMI 16 Bible Online

DITRONOMI 16 - Biatah Bidayuh bible

DITRONOMI 16

¹ “Stabi di TUHAN adi Tapa ngan darŭm angān sita Gawai Paska darŭm buran Abib; amai di ngarŭm darŭm buran anŭ Ayŭh piruah angān so Egypt.

²Di ka tarun yŭn anŭ adi ndi adŭ yŭn bisambah ka diginŭ siŭ ndi so biri ngan puan kah sapi yŭn biruman Gawai Paska ngga nggen stabi di TUHAN adi Tapa ngan.

³Darŭm biruman anŭ, dŭhnyah man ruti adi dog ndai ngga ragi. Sitŭkŭd ju andu angān an man ruti adi dŭh dog ndai ngga ragi, nimun adi man ngan di andu angān bigaut ruah so Egypt. Man ruti anŭ, ka ruti anŭ re dog kadŭn ruti jera-birasa, isa sitŭkŭd umbur ngan angān re ingat andu anŭ adi ngga angān ruah so Egypt, tarun yŭn jera-birasa anŭ.

⁴Darŭm tipuh ju andu, ndi naan daya dŭh gŭh di tarun tana ngan siŭn nyikŭn ragi di arŭn-i; ka dagin dāng adi mbŭh dog siŭ sibungas singumi andu adi ndi anŭ dŭh siŭn dŭh dog man ngarŭm anŭ gŭh.

⁵“Siŭ dāng Gawai Paska di tarun yŭn anŭ adi ndi adŭ yŭn bisambah, ka dŭh di tarun bŭkŭn darŭm tarun tana adi TUHAN adi Tapa ngan re nggen di angān. Siŭ dāng anŭ kan batŭh andu mbŭh simŭdŭp, tika adi ngga angān bu so Egypt.

⁷Tanŭk ngga piin dagin anŭ ka man-i di tarun yŭn anŭ adi ndi adŭ yŭn bisambah; ka ngga jawa isan isan angān pari ka ramin ngan.

⁸Sitŭkŭd nŭm andu angān siŭn man ruti adi dŭh biragi, ka andu adi ju angān an tikuruk nyambah TUHAN adi Tapa ngan, ka dŭhnyah nyiraja di andu anŭ.

⁹ “Mirang ju minggu so tipuh adi ngga angān piguru ngatŭm gandom ngan,

¹⁰komŭnŭ sita Gawai Pingatŭm ngga kibās TUHAN adi Tapa ngan, ka nggen di Ayŭh sadis so pinyiraan atin adŭp bada situgu ngga berkat adi Ayŭh muko nggen di angān.

¹¹Gaŭn meh di sirung jawin TUHAN, samah ngga bara anak ngan, daya-gaji ngan, ngga bara daya Levi, daya pinami, bara anak tumang, ngga bara dayung uban adi rŭŭ di kupo kupo ngan. Ndai kayuh anŭ di tarun yŭn anŭ adi ndi adŭ yŭn bisambah.

¹²Nakit ingat adŭp ngan sawŭ tunda sopŭrŭg pesan ati; dŭhnyah kambŭt adŭp ngan muko jadi urun di Egypt.

¹³ “Ripas angān muko ngiik sopŭrŭg gandom ngan, ka muko gŭh mŭ sopŭrŭg buwa anggor ngan, sita Gawai Bari-Dawŭn sitŭkŭd ju andu.

¹⁴Darŭm gawai anŭ, pirami adŭp ngan ngga bara anak ngan, daya daya-gaji ngan, daya Levi, daya pinami, bara anak tumang, samŭn bara dayung uban adi rŭŭ di kupo kupo ngan.

¹⁵Kibās TUHAN adi Tapa ngan ngga gawai anŭ sitŭkŭd ju andu di tarun yŭn anŭ adi ndi adŭ yŭn bisambah. Gaŭn meh, amai TUHAN mbŭh nyiberkat pingatŭm ngga kraja pingandai ngan.

¹⁶“Sopŭrŭg dari bangsa ngan an mandŭg di nyambah TUHAN pitaruh kari darŭm ndi sawa di tarun yŭn anŭ adi ndi adŭ yŭn bisambah: di tipuh Gawai Paska, Gawai Pingatŭm ka Gawai Bari-Dawŭn. Barang naan dari an taban pinganggen,

¹⁷nanyam tungang-i, bada situgu ngga berkat adi TUHAN adi Tapa ngan mbŭh nggen di ayŭh.

¹⁸“Tijuan bara akim ngga bara pinurung adi bŭkŭn di barang kupo adi TUHAN adi Tapa ngan nggen di angān. Bara daya anŭ siŭn ngatur har daya ngga tŭnggŭn.

¹⁹ Ngara dŭh siŭn taban atin adi bidikok puan kah marad kambŭi matŭd itong; ka ngara dŭh siŭn trima suap, amai anŭ bada karak batŭh daya adi bijak ngga adi batur, ka bada ngara matŭd itong ngga aran adi sarah.

²⁰Ari ndai kraja adi kana ngga tŭnggŭn, isa angān tungang ngisi tarun tana adi TUHAN adi Tapa ngan nggen di angān ka isa angān babŭ adu adu rŭŭ diginŭ.

²¹ “Kan angān ndai mija-sambah yŭn TUHAN adi Tapa ngan, dŭhnyah na uros kayuh anŭ adi jadi tandā pinatŭng tapa Asherah sindŭk-i.

²² Ka dŭhnyah gŭh pijog tadŭ tadŭ uros batuh yŭn bisambah tibudo; TUHAN tiru di kayuh adi mun anŭ.