Read Biatah Bidayuh JOHN 4 Bible Online

JOHN 4 - Biatah Bidayuh bible

JOHN 4

¹Bara daya Pharisee mbŭh dingah Jesus baptisa bagŭ dŭ murid so John. (

²Sibandar-i adŭp Jesus dŭh baptisa daya; bara murid-I inŭh adi baptisa daya.)

³Jadi kan Jesus dingah kayuh nang daya, Ayŭh bu so Judea ka pari ka Galilee;

⁵ Di Samaria Ayŭh mandŭg ka ndi kupo dŭn Sychar, dŭh jo so tana adi Jacob ko nggen di anak-i Joseph.

⁶Prigi Jacob agi diginŭ, ka Jesus, mbŭh kawŭk da pimanu-I, guru di bŭngŭn-i. Nganŭ mbŭh arong yun kumbeng.

⁷Ndi naan dayung Samaria mandŭg di pen piin, ka Jesus nang di ayŭh, “Nggen di Aku nok.” (Bara murid-I mbŭh mŭrŭt kupo di miris pinguman.)

⁸

⁹ Dayung anŭ nam, “Kaam daya Jahudi, ka aku daya Samaria; simuki Kaam bisa mite nok so aku?” (Daya Jahudi dŭh bisa pakai saker ka makuk adi daya Samaria pakai.)[7]

¹⁰Jesus nam, “Kambŭi kuu puan ani adi Tapa nggen, ka asi Ayŭh adi mite nok so kuu, kuu manŭn re an mite, ka Ayŭh gŭh taŭn re an nggen di kuu piin adi nggen udip.”

¹¹“Tuan,” dayung anŭ nang, “Kaam dŭh biyŭn bradi, ka prigi ati meh tŭrŭp. So ki Kaam re dapŭd piin anŭ adi nggen udip?

¹²Babuk ami, Jacob, adi nggen di kieh prigi ati; ayŭh ngga bara anak-i samŭn sopŭrŭg dāng-i nok so dieh. Dŭh patut Kaam re nang adŭp Mai bās dŭ so Jacob?”

¹³Jesus nam, “Asi asi adi nok piin ati re pari badŭh asŭng-i,

¹⁴pak ngara adi nok piin adi Aku nggen, asŭng-i dŭh re tia badŭh. Piin adi Aku nggen di ngara agi keya ka atak piin adi nggen udip, ka adi nggen udip adi sawŭ adi tan adu adu.”

¹⁵“Tuan,” dayung anŭ nang, “nggen di aku piin anŭ, isa aku dŭh tia badŭh asŭng, ka dŭh gŭh tia di kamati di pen.”

¹⁶“Panu di bagan banŭh mu,” Jesus nang di ayŭh, “komŭnŭ pari kamati.”

¹⁷“Mating banŭh ku,” ayŭh nam. Jesus nang, “Batur kuu kan kuu nang adŭp mu dŭh biyŭn banŭh.

¹⁸Mbŭh rimŭh dari ko mu mbit ndu banŭh, ka sianŭ adi ngga mu rŭŭ madin dŭh-i batur banŭh mu. Kuu mbŭh kidaan kayuh adi sawŭ.”

¹⁹“Kaam mun daya nabi kiris ku, tuan,” dayung anŭ nang.

²⁰“Tayung-babuk ku, daya Samaria; ngara nyambah Tapa di darŭd ati, pak angān daya Jahudi nang Jerusalem inŭh tarun yŭn nŭŭh patut nyambah Tapa.”

²¹Jesus nang di ayŭh, “Dayung, sabah nŭh Aku, andu-i re mandŭg kan daya dŭh re nyambah Sama di darŭd ati puan kah di Jerusalem.

²²Angān daya Samaria dŭh batur puan asi Ayŭh adi angān nyambah; pak kieh daya Jahudi puan Ayŭh adi kieh nyambah, amai so daya Jahudi inŭh pinyiramat mandŭg.

²³Andu-i mbŭh re mandŭg, ka sawŭ mbŭh mandŭg, kan daya ngga kuasa Roh Tapa buang nanyam ka pinyiraan-I, nyambah Sama nimun-I adi sawŭ Tapa.

²⁴Tapa inŭh Roh, ka ngga kuasa Roh-I adŭ daya bisa nyambah Ayŭh darŭm pinyawŭ-I.”

²⁵Dayung anŭ nang di Ayŭh, “Aku puan Kristus re mandŭg, ka kan Ayŭh mbŭh mandŭg, Ayŭh re nakit kidaan sopŭrŭg kayuh di ata.”

²⁶Jesus nam, “Aku inŭh Ayŭh, Aku ati adi minyu ngga kuu.”

²⁷Nganŭ gŭh bara murid Jesus pari. Ngara nginga kan ngara kiris Jesus minyu ngga dayung. Pak mating katŭn ngara nang di dayung anŭ, “Ani jiroh mu?” puan kah siken Ayŭh, “Mani Kaam minyu ngga ayŭh?”

²⁸Dayung anŭ rasu tingge gabuk piin-i, di ka kupo, ka nang di bara daya diginŭ,

²⁹“Ja di tingga daya adi tungang kidaan sopŭrŭg kayuh adi aku ko ndai. Manyah-i Ayŭh adŭp Kristus?”

³⁰Jadi ngara ruah so kupo di tingga Jesus.

³¹Atan anŭ, bara murid Jesus nang di Jesus, “Gurū, ja meh man!”

³²Pak Ayŭh nam, “Jaku agi pinguman adi angān dŭh puan.”

³³Bara murid samah siken dupan adŭp-i, “Manyah-i agi daya taban pinguman ka Ayŭh?”

³⁴“Pinguman Ku,” Jesus nang di ngara, “inŭh tunda pinyiraan-I adi pait Aku, ka ngamas kraja adi-I bada Aku ndai.

³⁵Adŭp ngan biyŭn pinganang sakati, ‘Dŭm pat buran ngga-i mbŭh re tipuh ngatŭm.’ Pak Aku kidaan di angān, nakit tingga dudu ŭmŭh; buwa mbŭh sukup masak an dog ngatŭm!

³⁶Daya adi ngatŭm kambat gaji-i; ayŭh nguruk buwa yŭn udip adi sawŭ adi tan adu adu; ka ayŭh adi purun ngga ayŭh adi ngatŭm re samah gaŭn.

³⁷Sawŭ inŭh kayuh adi daya nang, ‘Bŭkŭn daya adi purun, bŭkŭn gŭh adi ngatŭm.’

³⁸Aku mbŭh pait angān da ngatŭm di ŭmŭh adi yŭn ngan bŭn nyiraja. Daya bŭkŭn nyiraja diginŭ, pak angān adi dapŭd utung so turang udas daya.”

³⁹Bagŭ daya Samaria di kupo anŭ sabah di Jesus, sabab dayung anŭ nang, “Ayŭh tungang kidaan di aku sopŭrŭg kayuh adi aku ko ndai.”

⁴⁰Jadi kan bara daya Samaria mandŭg tudu Ayŭh, ngara mite Ayŭh rŭŭ ngga ngara, ka Jesus rŭŭ diginŭ duwŭh andu.

⁴¹Bagŭ dinge daya Samaria sabah di Ayŭh, sabab ajar-I.

⁴²Ngara nang di dayung anŭ, “Kieh sabah madin, dŭh sabab kuu ko kidaan di kieh, pak sabab adŭp ami mbŭh dingah Ayŭh, ka kieh puan nang Ayŭh taŭn sawŭ Pinyikudip Ong.”

⁴³Kan duwŭh andu anŭ mbŭh ripuan, Jesus matak ka Galilee.

⁴⁴ Amai adŭp-I ko nang, “Nabi dŭh-i dog stabi di rais adŭp-i.”

⁴⁵ Kan Ayŭh ndŭg Galilee, bara daya diginŭ ngadā Ayŭh, sabab ngara, di andu ngara di ka Jerusalem, agi kiris sopŭrŭg kayuh adi-I ndai di tipuh Gawai Paska.

⁴⁶ Komŭnŭ Jesus pari ka Cana di Galilee, di yŭn-I ko bada piin jadi wain. Diginŭ agi ndi naan daya pritah; anak dari-i birandam di Capernaum.

⁴⁷Kan ayŭh dingah Jesus agi mandŭg ka Galilee so Judea, ayŭh di ka yŭn-I ka mite Ayŭh di ka Capernaum di pibua anak dari-i adi mbŭh bana birandam, sindŭk re kabŭs.

⁴⁸Jesus nang di ayŭh, “Kambŭi dŭh kiris pingandai-nginga ka pingandai-saruh, angān dŭh an sabah.”

⁴⁹“Tuan,” daya anŭ nang, “Ja panu, diŭ so anak ku kabŭs.”

⁵⁰Jesus nang di ayŭh, “Panu, anak mu re bua!” Daya anŭ sabah pinganang Jesus ka rasu panu.

⁵¹Di aran, daya daya gaji-i tudu ayŭh ka nang, “Anak dari mai mbŭh bua!”

⁵²Ayŭh siken di ngara pukor kudu anak-i bua, ka ngara nam, “Pukor ndi ripas kumbeng mijah, sungoh-i surud.”

⁵³Sama anak anŭ rasu ingat Jesus agi nang di jam anŭ, “Anak mu re bua,” Ka ayŭh samŭn ndi rawang-i sabah di Jesus.

⁵⁴Ati inŭh pingandai-nginga adi numbor duwŭh, adi Jesus ndai ripas-I bu so Judea di ka Galilee.