Read Biatah Bidayuh 1 CORINTH 13 Bible Online

1 CORINTH 13 - Biatah Bidayuh bible

1 CORINTH 13

¹Bisa bait kani aku minyu barang masam piminyu manusia ndŭg ka piminyu malaikat ani, pak kambŭi aku dŭh biyŭn pinyirindu, piminyu ku agi keya ka jawŭn engan tin.

² Agi bait kani aku pinganggen ngga nyuse agah so Tapa, ka puan sopŭrŭg kayuh ka mirati sopŭrŭg kayuh adi bisukan; agi bait kani aku pinyabah bās adi ngga mindah darŭd, pak kambŭi aku dŭh biyŭn pinyirindu, aku ati au-tarun.

³Aku nggen bait kani sopŭrŭg kayuh adi aku biyŭn, ndŭg ka nggen pŭrŭng ku yŭn dog badang ani,[16] pak kambŭi aku dŭh biyŭn pinyirindu, kayuh anŭ mating pinyikana-i di aku.

⁴Pinyirindu inŭh sabar ka mandis; pinyirindu dŭh-i sina puan kah miruap ka sambuh;

⁵pinyirindu dŭh-i dŭh biradat puan kah bidagis puan kah udah baji; pinyirindu dŭh-i ingat arap daya di tunduh adŭp;

⁶pinyirindu dŭh-i angan kayuh adi arap, pak angan kayuh adi batur.

⁷Pinyirindu inŭh tan di barang masam kayuh; anŭ inŭh sabah di daya, dŭh manyap pingarap, ka siraru sabar.

⁸Pinyirindu tan adu adu. Agi daya piagah agah so Tapa, pak kayuh anŭ dŭh-i re tui; agi barang masam pinganggen piminyu saruh, pak-i re ko; agi pinyipuan, pak-i re dog kambŭt.

⁹Amai pinganggen pinyipuan ka pinganggen piagah agah so Tapa dŭh-i sukup;

¹⁰pak kan anŭ adi sukup kana mandŭg, anŭ adi dŭh sukup re miyap.

¹¹Di andu aku gi-sŭ, piminyu, asŭng ngga pikir-kira ku mbŭh tung anak-sŭ; madin aku mbŭh tuuh, aku dŭh tia biyŭn urah anak daya.

¹²Kayuh adi ata kiris pasar Tapa madin agi keya ka singangi adi kabur di siramin, pak te ata re kiris Ayŭh ngga situra jawin. Kayuh adi aku puan madin inŭh kada-i adŭ, pak ripas anŭ aku re puan sopŭrŭg-i, nimun Tapa puan sopŭrŭg kayuh pasar aku.

¹³Jadi meh taruh ati babŭ: pinyabah, pingarap, ka pinyirindu; ka adi rabis bās inŭh pinyirindu.