Read Biatah Bidayuh 1 CORINTH 16 Bible Online

1 CORINTH 16 - Biatah Bidayuh bible

1 CORINTH 16

¹ Madin aku raan nyabŭt pasar duit adi angān re nguruk yŭn bara daya adi Tapa mbŭh mien di Judea. Angān dŭh siŭn dŭh an ndai kayuh anŭ adi aku ko kidaan di bara eklisia di Galatia da ndai.

²Barang Minggu tiap tiap naan angān dŭh siŭn dŭh an nitah kada duit ngan nanyam pinyidapŭd ngan, ka nguruk-i, isa angān dŭhsah sun-i di tika aku mandŭg.

³Kan aku mbŭh mandŭg, aku re nggen surat pingatŭn di ngara adi angān mbŭh nyibandar, ka pait ngara da taban pinganggen ngan anŭ ka Jerusalem.

⁴Kambŭi aku patut di, ngara bisa samah di ngga aku.

⁵ Aku re mandŭg ka angān ripas aku ko panu di Macedonia, amai aku taŭn re so nŭ.

⁶Kadŭ aku re tui ngga angān, jaka-i sitian tipuh madud, ka komŭnŭ angān bisa turung aku pijuu pimanu ku, ka tadŭ yŭn-i aku panu.

⁷Aku raan bidapŭd ngga angān dŭh-i nyitiro adŭ. Aku harap, kambŭi Tuhan bada, aku dapŭd rŭŭ tui ngga angān.

⁸ Aku re rŭŭ digiti di Ephesus ndŭg andu Pentecost.

⁹Agi pluang digiti ngga ndai kraja raru biguna, sunggu pinganyu bagŭ.

¹⁰ Kambŭi Timothy agi mandŭg ka angān, dŭhnyah kambŭt nakit kambat ayŭh, sabab ayŭh nyiraja yŭn Tuhan, mun aku gŭh.

¹¹Dŭhnyah tandah daya ida ida ngga ayŭh, pak turung ayŭh pijuu pimanu-i ngga berkat ngan, isa ayŭh bisa pari ka aku; amai aku kajŭn ayŭh pari ngga bara adi sabah.

¹²Ati pasar madis ta Apollos. Aku mbŭh siraru ngatat ayŭh da bidapŭd ngga angān samŭn bara adi bŭkŭn adi sabah, pak ayŭh dŭh paŭh sabah[20] nang adŭp-i patut di darŭm tipuh ati. Sunggu mŭnŭ, kan ayŭh biyŭn pluang ayŭh taŭn re di.

¹³Bijaga meh, mijog tagap darŭm pinyabah, dŭhnyah taru pak bada adŭp ngan bake.

¹⁴Ndai sopŭrŭg kraja ngan ngga pinyirindu.

¹⁵ Angān puan pasar Stephanas ngga rawang-i; ngara inŭh sibungas daya adi jadi Kristen di Achaia ka mbŭh ngga siabo asŭng-i turung bara daya adi Tapa mbŭh mien. Aku mite angān bara dingan ku,

¹⁶tunda pinguru adi mun ngara, ka tadŭ daya adi nyiraja ka adi turung bara daya eklisia ayō ngara.

¹⁷Aku gaŭn di pimandŭg Stephanas, Fortunatus, ka Achaicus; darŭm angān mating ngga aku

¹⁸ngara agi nyanang asŭng ku, nimun ngara ko nyanang asŭng ngan. Daya adi mun ngara patut dog rada.

¹⁹ Bara eklisia di darŭm utung rais Asia pait tabi; Aquila ngga Priscilla ngga eklisia adi tikuruk di ramin ngara pait tabi Kristen.

²⁰Sopŭrŭg bara adi sabah digiti pait tabi. Tabi dingan ngan ngga tabi tandā damai.

²¹Ngga tangan adŭp ku aku nuris ati: Tabi so Paul.

²²Asi asi adi dŭh rindu Tuhan, ayŭh re dog pangu! Marana tha -- Tuhan, mandŭg meh!

²³Pinyirasi-mandis Tuhan ta Jesus agi ngga angān.

²⁴Pinyirindu ku agi ngga sopŭrŭg ngan darŭm Kristus Jesus.