Read Biatah Bidayuh 1 CORINTH 3 Bible Online

1 CORINTH 3 - Biatah Bidayuh bible

1 CORINTH 3

¹Ngga sibatur-i, bara dingan ku, aku dŭh bisa minyu ngga angān mun aku minyu ngga daya adi biyŭn Roh Kudus; aku patut minyu ngga angān mun adi minyu ngga daya adi dog dapu ong ati, angān adi keya ka babŭ mara darŭm pinyabah Kristen.

² Aku kinyam patut nggen sisuh di angān, dŭh pinguman nyamba, sabab angān bayuh sidia. Mun madin tong-i gibayuh gŭh angān sidia,

³sabab pimudip ngan babŭ mun pimudip daya di ong ati. Kan angān biyŭn atin sina dupan adŭp ngan, angān bikaii ngga dingan ngan, dŭh kah-i kiren angān mbŭh tung ong ati, udip ngga urah-rakah ong?

⁴ Kan ndi so angān nang, “Aku tunda Paul,” ka adi bŭkŭn nang, “Aku tunda Apollos” dŭh kah urah ngan adi mun anŭ kiren angān taŭn tung ong ati?

⁵Asi Apollos? Asi Paul? Kieh, kaŭs ami urun Tuhan, adi nyiruton angān da sabah di Kristus. Barang naan kieh ndai kayuh adi Tapa mbŭh nggen di kieh da ndai:

⁶ Aku purun, Apollos tukang nyijuh, pak Tapa inŭh adi bada kayuh timbu.

⁷Sianŭ adi purun ngga sianŭ adi nyijuh dŭh inŭh biguna. Tapa inŭh biguna, sabab Ayŭh bada kayuh timbu.

⁸Mating bŭkŭn-i daya adi purun ngga daya adi nyijuh; Tapa re ngupah so-duwŭh ngara nanyam kayuh adi ko ngara ndai.

⁹Amai kieh mbŭh samah biturung darŭm kraja yŭn Tapa, ka adŭp ngan gŭh meh teya Tapa. Angān gŭh ramin Tapa.

¹⁰Pakai pinganggen adi Tapa mbŭh nggen di aku, aku jadi tukang ramin adi raru pandai ka mbŭh na pinagap-rasan, ka daya bŭkŭn inŭh adi pijog ramin di tunduh-i. Pak barang naan angān an nakit, munki angān pijog ramin.

¹¹Amai Tapa mbŭh bada Jesus Kristus jadi ndi ka sadi-I pinagap-rasan, dŭhsah pinagap-rasan adi bŭkŭn dog na.

¹²Agi kada daya re pakai mas puan kah pirak puan kah batuh adi brega yŭn pijog di tunduh pinagap-rasan; adi bŭkŭn re pakai kayuh puan kah kupai puan kah daan daan kupai.

¹³Ka pinyikana kraja pingandai barang naan daya re dog kiris kan Andu Kristus kiren-i. Amai di Andu anŭ apui re pinandŭng kraja pingandai barang naan daya; apui anŭ re suba-i ka kiren munki pinyikana-i.

¹⁴Kambŭi kayuh adi dog pijog di tunduh pinagap-rasan anŭ dŭh sau da apui, tukang ramin anŭ re kambat upah-i.

¹⁵Pak kambŭi kraja pingandai ngan sau, sopŭrŭg-i re manyap; pak adŭp ngan re dog nyiramat, keya ka mbŭh rupas so apui anŭ.

¹⁶ Angān mbŭh tatu puan nang angān mbŭh yŭn pinyirŭŭ Tapa amai adŭp Roh Tapa rŭŭ darŭm angān!

¹⁷Tapa re pirabur tadŭ daya adi pirabur tarun yŭn pinyirŭŭ Tapa. Amai yŭn pinyirŭŭ Tapa inŭh kudus, ka adŭp ngan inŭh yŭn pinyirŭŭ-I.

¹⁸Angān patut dŭhnyah nyibudo adŭp ngan. Kambŭi agi so angān pikir adŭp ngan bijak so ka gaya ong ati, angān patut jadi budo, siŭn angān dapŭd jadi sawŭ bijak.

¹⁹ Amai kayuh adi ong ati nyirundeng pinyibijak agi au-tarun di batŭh Tapa. Sak adi nang Surat-kudus, “Tapa mirakap ngara adi bijak darŭm pinyipitar ngara”;

²⁰ ka agi dinge Surat-kudus nang, “Tuhan puan pikir-kira daya adi bijak dŭh biguna.”

²¹Mating daya, meh, re patut mingangŭn pasar kayuh adi manusia tungang ndai. Sibandar-i sopŭrŭg-i mbŭh tung jangān:

²²Paul, Apollos ka Peter; ong ati, udip ngga kabŭs, kayuh adi madin ngga kayuh adi jŭ, sopŭrŭg-i agi jangān,

²³ka adŭp ngan tung Kristus, ka Kristus tung Tapa.