Read Biatah Bidayuh JOSHUA 16 Bible Online

JOSHUA 16 - Biatah Bidayuh bible

JOSHUA 16

¹Baat di parad ka siratan adi dog nitah yŭn sesang sesang Joseph piguru so yang Jordan sindŭk Jericho, di ndi tarun yŭn tura ka timor rubang rubang piin di Jericho, ka tambus tarun tana-pajam. Ayŭh piguru so Jericho nuju rais tarun tana sandah jeh ndŭg Bethel.

²So Bethel ndŭg Luz, ka masang ndŭg Ataroth Addar, di yŭn daya Archi rŭŭ.

³Komŭnŭ ayŭh masang nuju abong tarun tana daya Japhlet, ka jeh ndŭg saba Beth Horon. So nŭ nuju Gezer ndŭg Rawŭt Mediterranean.

⁴Bara sesang Joseph, anŭ inŭh tibaran-asar Ephraim ngga tibaran-asar Manasseh barat, trima tarun tana anŭ jadi utung ngara.

⁵Ati inŭh tarun tana bara rawang tibaran-asar Ephraim: baat ngara piguru so Ataroth Addar nuju timor jeh ndŭg Sijo Beth Horon,

⁶ka so nŭ nuju Rawŭt Mediterranean. Michmethath inŭh tura ka utara ngara. So ka timor tarun anŭ, baat anŭ nikok nuju Taanath Shiloh, ka radus kadŭg tura ka timor di ka Janoah.

⁷Komŭnŭ ayŭh mūn so Janoah di ka Ataroth ngga Naarah, ndŭg Jericho ka ndŭg yang Jordan.

⁸So Tappuah radus ka barat di ka sungi Kanah ndŭg Rawŭt Mediterranean. Anŭ inŭh tarun tana adi dog nggen ka bara rawang tibaran-asar Ephraim jadi utung ngara,

⁹samŭn kada kupo ngga anak anak kupo adi agi darŭm baat Manasseh, pak dog nggen ka daya Ephraim.

¹⁰ Pak ngara dŭh pibu bara daya Canaan adi rŭŭ di Gezer. Ngapŭi meh daya Canaan rŭŭ di ruang daya Ephraim ndŭg andu ati, pak ngara dog takan bada jadi urun.