Read Biatah Bidayuh JOSHUA 19 Bible Online

JOSHUA 19 - Biatah Bidayuh bible

JOSHUA 19

¹Utung tarun tana adi numbor duwŭh inŭh yŭn bara rawang tibaran-asar Simeon. Abong tana anŭ mbŭh mŭrŭt tarun tana adi mbŭh dog pirutung ka tibaran-asar Judah.

² Anŭ samŭn Beersheba, Sheba, Moladah,

³Hazar Shual, Balah, Ezem,

⁴Eltolad, Bethul, Hormah,

⁵Ziklag, Beth Marcaboth, Hazar Susah,

⁶Beth Lebaoth, ngga Sharuhen: simŭng taruh kupo, samŭn anak anak kupo adi maning-i.

⁷Nambah anŭ, Ain, Rimmon, Ether, ngga Ashan: pat kupo, samŭn anak anak kupo adi maning-i.

⁸Ka samŭn sopŭrŭg anak anak kupo maning kupo kupo anŭ jeh ndŭg Baalath Beer (puan kah Ramah), di tura ka siratan. Anŭ inŭh tarun tana adi bara rawang tibaran-asar Simeon trima jadi utung ngara.

⁹Amai utung Judah mbŭh rabis bayah yŭn ngara, kada-i mbŭh dog nggen di tibaran-asar Simeon.

¹⁰Utung tarun tana adi numbor taruh inŭh yŭn bara rawang tibaran-asar Zebulum. Tarun tana adi ngara trima inŭh jeh ndŭg Sarid.

¹¹So nŭ, baat radus ka barat nuju Mareal, ndŭg Dabbesheth ngga sungi anŭ di tura ka timor Jokneam.

¹²So parad mandi Sarid baat anŭ nuju timor ndŭg baat Chisloth Tabor, radus ndŭg Daberath ka maad ndŭg Japhia.

¹³So nŭ, pijuu tura ka timor ndŭg Gath-Hepher, ngga Ethkazin, ka biruit nuju Neah ka radus ndŭg Rimmon.

¹⁴Di utara, baat anŭ biruit nuju Hannathon radus ndŭg Rubān Iphtahel.

¹⁵Anŭ samŭn Kattath, Nahalal, Shimron, Idalah, ngga Bethlehem: simŭng duwŭh kupo, samŭn anak anak kupo adi maning-i.

¹⁶Kupo kupo anŭ ngga anak anak kupo-i inŭh di darŭm tarun tana adi bara rawang tibaran-asar Zebulum mbŭh trima jadi utung ngara.

¹⁷Utung tarun tana adi numbor pat inŭh yŭn bara rawang tibaran-asar Issachar.

¹⁸Darŭm gadung rais anŭ inŭh kupo Jezreel, Chesulloth, Shunem,

¹⁹Hapharaim, Shion, Anaharath,

²⁰Rabbith, Kishion, Ebez,

²¹Remeth, Engannim, Enhaddah, ngga Bethpazzez.

²²Baat anŭ dog gŭh Tabor, Shahazumah, ngga Beth Shemesh, ka ndŭg Yang Jordan. Anŭ samŭn simŭng nŭm kupo samŭn anak anak kupo adi maning-i.

²³Kupo kupo anŭ ngga anak anak kupo-i inŭh darŭm tarun tana adi bara rawang tibaran-asar Issachar mbŭh trima jadi utung ngara.

²⁴Utung tarun tana adi numbor rimŭh inŭh yŭn bara rawang tibaran-asar Asher.

²⁵Darŭm gadung rais anŭ inŭh Helkath, Hali, Beten, Achshaph,

²⁶Allam Melech, Amad, ngga Mishal. Di tura ka barat baat anŭ inŭh samŭn Carmel ngga Shihor Libnath.

²⁷So nŭ baat anŭ biruit nuju timor, nuju Bethdagon, samŭn Zebulun ngga Rubān Iphtahel kadŭg tura ka utara nuju Bethemek ngga Neiel. Baat anŭ pijuu ka utara nuju Cabul,

²⁸Ebron, Rehob, Hammon, ngga Kanah, jeh ndŭg Sidon.

²⁹So nŭ baat anŭ biruit nuju Ramah ndŭg kupo Tyre adi bikuta; so nŭ ayŭh biruit nuju Hosah ka ndŭg Rawŭt Mediterranean. Anŭ samŭn Mahalab, Achzib,

³⁰Ummah, Aphek, ngga Rehob: duwŭh puru duwŭh kupo samŭn anak anak kupo adi maning-i.

³¹Kupo kupo anŭ samŭn anak anak kupo-i inŭh darŭm tarun tana adi bara rawang tibaran-asar Asher mbŭh trima jadi utung ngara.

³²Utung tarun tana adi mumbor nŭm inŭh yŭn bara rawang tibaran-asar Naphtali.

³³Baat rais anŭ piguru so Heleph ndŭg tŭngŭn oak di Zaanannim, ka pijuu ka Adaminekeb ngga Jamnia, jeh ndŭg Lakkum, ka ndŭg Yang Jordan.

³⁴So nŭ baat anŭ biruit ka barat nuju Aznoth Tabor, ka so nŭ ndŭg Hukkok, dog Zebulun di siratan, Asher di barat, ka Jordan di timor.

³⁵Kupo kupo adi bikuta inŭh Ziddim, Zer, Hammath, Rakkath, Chinnereth,

³⁶Adamah, Ramah, Hazor,

³⁷Kedesh, Edrei, Enhazor,

³⁸Yiron, Migdalel, Horem, Bethanath, ngga Beth Shemesh: simŭng prii kupo samŭn anak anak kupo adi maning-i.

³⁹Kupo kupo anŭ samŭn anak anak kupo-i inŭh darŭm tarun tana adi bara rawang tibaran-asar Naphtali mbŭh trima jadi utung ngara.

⁴⁰Utung tarun tana adi mumbor ju inŭh yŭn bara rawang tibaran-asar Dan.

⁴¹Darŭm gadung rais anŭ inŭh kupo Zorah, Eshtaol, Irshemesh,

⁴²Shaalbim, Aijalon, Ithlah,

⁴³Elon, Timnah, Ekron,

⁴⁴Eltekeh, Gibbethon, Baalath,

⁴⁵Jehud, Beneberak, Gathrimmon,

⁴⁶Mejarkon, ngga Rakkon, samŭn tarun tana adi maning Joppa.

⁴⁷ Di andu daya Dan dog tambit tarun tana-i, ngara di ka Laish ka nyerang-i. Ngara sirabut-i, siŭ bara daya-i, ka tambit-i yŭn adŭp ngara. Ngara rŭŭ diginŭ ka nukar dŭn kupo anŭ Laish bada-i dog kadŭn Dan, tarik dŭn babuk adŭp ngara Dan.

⁴⁸Kupo kupo anŭ ngga anak anak kupo-i inŭh darŭm tarun tana adi bara rawang tibaran-asar Dan mbŭh trima jadi utung ngara.

⁴⁹Kan daya Israel muko bikutung tarun tana, ngara nggen di Joshua anak Nun ndi pire tarun tana ndu utung adŭp-i.

⁵⁰Nimun adi TUHAN muko pesan, ngara nggen di Joshua kupo adi muko-i mite: Timnah Serah, di rais tarun tana sandah Ephraim. Ayŭh pari pijog kupo anŭ ka rŭŭ diginŭ.

⁵¹Imam Eleazar, Joshua anak Nun, ngga bara pinguru bara rawang so tibaran tibaran-asar Israel mbŭh bikutung tarun tana pakai taran dadu[12] ngga bisiken ngga TUHAN di Shiloh, di tiban Bari TUHAN. Simŭnŭ ngara kubo bikutung tarun tana.