Read Biatah Bidayuh 2 TIMOTHY 3 Bible Online

2 TIMOTHY 3 - Biatah Bidayuh bible

2 TIMOTHY 3

¹Ingat nŭh re bagŭ tika pinyusah di sikasŭn tipuh.

²Daya re sibut, tama, sambuh, gambung; ngara re ginaka, dŭh dingah pinganang sindŭ sama, dŭh biyŭn atin trima kaseh, ka dŭh raan puan Tapa;

³ngara re dŭh mandis ngga daya, dŭh biyŭn apun, pinapŭ, gŭtŭh, ka mangah; ngara re tiru di pinyikana;

⁴Ngara gagā muker, bŭn nakit bipikir sibayuh ndai kayuh, rawā. Ngara re awang pinyirami ong so-i rindu di Tapa;

⁵ngara bidigŭng di aran adat ta pak tirawan kuasa-i. Pijo adŭp mu so daya adi mun anŭ.

⁶Agi kada so ngara mŭrŭt ramin daya ka mbit pluang di tunduh bara dayung adi mbŭh dog nanuh dosa ka adi dog nguasa barang masam pinyiripong,

⁷bara dayung adi siraru an birajar pak bŭn tungang dapŭd ajar adi sawŭ anŭ.

⁸ Nimun Jannes ngga Jambres rawan Moses, simŭnŭ gŭh ngara ati rawan ajar Tapa; ngara, daya adi mbŭh rusak pikir-i ka adi dŭh sawŭ pinyabah-i.

⁹Pak ngara dŭh re mujur, sabab sopŭrŭg daya re kiris munki masam budo-i ngara. Anŭ, kayuh adi mbŭh jadi di Jannes ngga Jambres.

¹⁰Pak kuu mbŭh tunda ajar ku, urah ku, ka pinŭtŭn pimudip ku; kuu mbŭh ngatin pinyabah ku, atin sabar ku, pinyirindu ku, pinyitŭtŭd atin ku,

¹¹ pinyikisiis adi dog aku, ka sangsara ku. Kuu puan sopŭrŭg anŭ dog aku di Antioch, di Iconium, ka di Lystra, pinyikisiis adi raru mandam ku kinyam! Pak Tuhan agi nyiramat aku so sopŭrŭg-i.

¹²Barang naan daya adi raan udip nanyam ka pinyiraan Tapa darŭm udip ndi ngga Kristus Jesus re dog kisiis;

¹³buang bara daya adi arap samŭn bara pingadong re jadi rabis arap, nyibudo daya pak adŭp-i sua tibudō.

¹⁴Pak kuu, bijijŭ meh darŭm ajar adi sawŭ adi ko dog ngajar di kuu, adi kuu mbŭh batur batur sabah. Kuu puan asi ko jadi bara gurū mu,

¹⁵ka kuu ingat so mu gi-sŭ kuu mbŭh puan Surat-kudus, adi bisa nggen di kuu pinyibijak adi ngga kuu dapŭd pinyiramat so ka pinyabah di Kristus Jesus.

¹⁶Sopŭrŭg kayuh adi dog nuris di Surat-kudus mbŭh so kuasa Tapa ka mbŭh biguna[2] ngga ngajar kayuh adi sawŭ, ngga nyara ka ngga nyibatur kayuh adi sarah, ka ngga ngajar daya pasar aran pimudip adi batur;

¹⁷isa daya adi bituan di Tapa bisa jadi sukup pandai ka dog bada sidia yŭn barang masam kraja kana.