Read Biatah Bidayuh HEBREW 6 Bible Online

HEBREW 6 - Biatah Bidayuh bible

HEBREW 6

¹Ja ata masang ka ajar adi tŭrŭp ka dŭhnyah ata nyasang di sibungas ajar Kristen adŭ. Ata dŭh bisa pari ka sibungas ajar pasar marik pimudip pari ka Tapa;

²ajar pasar baptisa,[5] pasar na tangan di tunduh ubak daya; pasar pinyimakat so kabŭs ka ukum ruro.

³Ja ata masang! Ka ati inŭh kayuh adi ata re ndai, kambŭi Tapa bada.

⁴Amai simuki meh daya adi taran pinyabah-i re bisa dog bada marik pimudip ngara pari ka Tapa ka dŭh tia bidosa? Ngara muko ndi sidah agi darŭm jawa Tapa; ngara muko kija pinganggen Tapa, buang muko sua kambat Roh Kudus;

⁵ngara muko kinyam ka mbŭh puan nang pinganang Tapa agi kana, ka mbŭh kinyam kuasa jaman adi re mandŭg.

⁶Pak komŭnŭ ngara taran pinyabah-i! Mbŭh mbar inŭh nŭŭh re pari bada ngara marik pimudip ngara pari ka Tapa, sabab ngara mbŭh masak dinge Anak Tapa di atuh rigang ka pimangŭh Ayŭh di sirung jawin daya bagŭ.

⁷Tapa nyiberkat tana adi nyŭp piin ujen adi ari rabu dieh ka adi bada kayuh timbu yŭn guna daya adi ngatŭm-i.

⁸ Pak kambŭi-i pijadi reja ngga uduh, tana anŭ dŭh biguna; tana anŭ bisa dog mangu Tapa ka dog sigot ngga apui.

⁹Pak sunggu kieh minyu sakanŭ bait kani, kieh taŭn mbŭh puan kayuh adi angān ndai, angān adi aku rindu. Kieh puan angān biyŭn berkat adi kana dŭ, adi taŭn-i berkat pinyiramat ngan.

¹⁰Tapa, dŭh-I dŭh rada pingandai kana daya. Ayŭh dŭh re kambŭt kayuh adi angān ko ndai puan kah pinyirindu ngan yŭn-I adi angān ko kiren darŭm pinurung adi angān nggen di daya Kristen adi bŭkŭn, bait-i madin puan kah prajah.

¹¹Pinyiraan bās ami inŭh angān adu adu graŭh ndŭg sikasŭn-i, isa kayuh adi angān harap re sawŭ jadi.

¹²Kieh dŭh raan angān jadi tibanga, pak raan angān jadi mun ngara adi sabah buang sabar, ka dapŭd kayuh adi Tapa ko bijanji an nggen.

¹³Di andu Tapa bijanji ngga Abraham, Ayŭh bipayu an ndai kayuh adi-I bijanji an ndai. Amai mating adi rabis bās so adŭp-I, Ayŭh pakai adŭn adŭp-I kan-I bipayu.

¹⁴ Ayŭh nang, “Aku bijanji Aku re nyiberkat kuu ka nggen di kuu bagŭ sesang.”

¹⁵Abraham tŭtŭd, ka sawŭ ayŭh kambat kayuh adi Tapa ko bijanji an nggen.

¹⁶Kan ata bipayu, ata pakai dŭn daya adi bās dŭ so adŭp ta, ka payu anŭ nyirase sopŭrŭg karit.

¹⁷Di ngara adi re kambat kayuh adi-I ko bijanji an nggen, Tapa raan ngara puan Ayŭh dŭh re ngubah pikir-I; jadi Ayŭh nambah payu di janji-I anŭ.

¹⁸Duwŭh masam kayuh anŭ meh, adi dŭh bisa birubah ka pasar-i Tapa dŭh bisa kadong. Jadi ata adi mbŭh siramat darŭm Ayŭh mbŭh dog ngatat da bidigŭng tagap di pingarap anŭ adi mbŭh dog na di sirung jawin ta.

¹⁹ Ata biyŭn pingarap anŭ adi keya ka sawŭh yŭn pimudip ta. Sawŭh anŭ tagap buang bisa dog harap, adi mŭrŭt tambus tabir Ramin Tuhan di shorga nuju birit kudus adi tura ka darŭm.

²⁰ Ngga-I ngarun ata, Jesus mbŭh mŭrŭt kamanŭ diŭ so ata ka jadi Imam Bās ndŭg situi tui, mun Imam Melchizedek.[6]