Read Biatah Bidayuh AKIM 17 Bible Online

AKIM 17 - Biatah Bidayuh bible

AKIM 17

¹Agi ndi naan daya dŭn Micah, rŭŭ di rais tarun tana sandah Ephraim.

²Ayŭh kidaan di sindŭ-i, “Di andu daya naku siribu siratus kiping pirak so kaam, kaam mangu pinaku anŭ. Aku agi dingah kaam ndai simŭnŭ. Tingga, di aku inŭh duit anŭ. Aku inŭh sianŭ adi naku-i.” Sindŭ-i nang, “Isa-i TUHAN nyiberkat kuu, nak!”

³Ayŭh pari duit anŭ ka sindŭ-i, ka sindŭ-i nang, “Ngga bada pangu anŭ dŭh nyatŭk anak adŭp ku, aku jugan pirak ati ka TUHAN. Isa-i dog pakai ngga marut tibudo adi dog ndai so kayuh. Jadi madin aku re nggen pari dudu kiping pirak anŭ ka kuu.”

⁴Pak ayŭh pari-i ka sindŭ-i. Sindŭ-i taban duwŭh ratus kiping pirak ka nggen-i di tukang basi, adi ndai tibudo so kayuh ka marut-i ngga pirak anŭ. Tibudo anŭ dog na-i di ramin Micah.

⁵Micah anŭ biyŭn tarun yŭn adŭp-i bisambah. Ayŭh ndai kudu kudu tidudo samŭn efod,[34] ka tijuan ndi naan so bara anak dari-i bada jadi imam.

⁶ Di jaman anŭ Israel dŭh biyŭn raja; barang naan daya mbŭh ndai barang masam kayuh nanyam pinyiraan adŭp-i.

⁷Di jaman anŭ gŭh agi ndi naan bujang dari daya Levi adi muko rŭŭ di kupo Bethlehem di Judah.

⁸Ayŭh bu so Bethlehem di jiroh tarun bŭkŭn yŭn-i rŭŭ. Darŭm-i panu, ayŭh tambus ramin Micah di rais tarun tana sandah Ephraim.

⁹Micah siken ayŭh, “So ki kuu?” Ayŭh nam, “Aku daya Levi so Bethlehem di Judah. Aku jiroh tarun yŭn rŭŭ.”

¹⁰Micah nang, “Rŭŭ ngga aku. Jadi tukang pitayan yŭn ku ka jadi imam ku, ka aku re nggen di kuu simŭng kiping pirak ndi sidah barang sawa, piraka, ka pinguman mu.”[35]

¹¹Bujang dari Levi anŭ situju rŭŭ ngga Micah ka jadi keya ka anak di ayŭh.

¹²Micah tijuan ayŭh bada jadi imam-i, ka ayŭh rŭŭ di ramin Micah.

¹³Micah nang, “Amai madin aku biyŭn daya Levi jadi imam ku, aku puan nang TUHAN re kana ngga aku.”