Read Bíbélì Mímọ́ ní Èdè Yorùbá Òde-Òní Ìwé Kíróníkà Kìn-ín-ní 16 Bible Online

Ìwé Kíróníkà Kìn-ín-ní 16 - Bíbélì Mímọ́ ní Èdè Yorùbá Òde-Òní bible

Ìwé Kíróníkà Kìn-ín-ní 16

¹Wọ́n gbé àpótí ẹ̀rí Ọlọ́run, wá sínú àgọ́ ti Dáfídì ti pàṣẹ fún un, wọ́n sì gbé ọrẹ sísun àti ọrẹ ìdàpọ̀ kalẹ̀ níwájú Ọlọ́run.

²Lẹ́yìn ọrẹ sísun àti ọrẹ ìdàpọ̀, ó bùkún àwọn ènìyàn ní orúkọ OLÚWA.

³Nígbà náà ó fún olúkúlùkù ọkùnrin àti obìnrin ọmọ Ísírẹ́lí ní ìṣù àkàrà kan, àkàrà dídùn ti àkókò kan àti àkàrà dídùn ti èṣo àjàrà kan.

⁴Ó yan díẹ̀ lára àwọn ará Léfì láti máa jọ́sìn níwájú àpótí ẹ̀rí OLÚWA, àti láti ṣe ìrántí àti dúpẹ́ àti láti yin OLÚWA, Ọlọ́run Ísírélì.

⁵Ásáfù jẹ́ olóyè Ṣémírámótì, Jéhíelì, Mátítíyà, Élíábìlì, Bénáyà, Obedi-Édómù àti Jélíélì, Àwọn ni yóò lu lẹ́rì àti dùùrù háàpù. Ásáfù ni yóò lu símíbálì kíkan.

⁶Àti Bénáià àti Jahaṣíélì àwọn àlùfáà ni yóò fọn ipè dédé níwájú àpótí ẹ̀rí méjẹ̀mú ti Ọlọ́run.

⁷Ní ọjọ́ náà Dáfídì kọ́kọ́ fi lé Ásáfù àti àwon ẹlẹgbẹ́ Rẹ̀ lọ́wọ́ orin Dáfídì ti ọpẹ́ sí OLÚWA:

⁸ Ẹ fi ọpẹ́ fún OLÚWA, ẹ pe orúkọ Rẹ̀, ẹ fi iṣẹ́ Rẹ̀ hàn nínú àwọn ènìyàn fún ohun tí ó ṣe

⁹Ẹ kọrin síi, ẹ kọrin ìyìn, síi, Ẹ sọ ti gbogbo iṣẹ́ ìyanu Rẹ̀

¹⁰Ìyìn nínú orúkọ Rẹ̀ mímọ́; jẹ kí ọkàn àwọn tí ó yin OLÚWA kí ó yọ̀.

¹¹Ẹ wá OLÚWA àti agbára Rẹ̀; O wá ojú Rẹ̀ nígbà gbogbo.

¹²Rántí àwọn ìyanu tí Ó ti ṣe, isẹ́ ìyanu Rẹ̀ àti ídájọ́ tí Ó ti sọ.

¹³A! èyin ìran ọmọ Ísírẹ́lì ìránṣẹ́ Rẹ̀, àwon ọmọ Jákọ́bù, ẹ̀yin tí ó ti yàn.

¹⁴Òun ni OLÚWA Ọlọ́run wa; ìdájọ́ Rẹ̀ wà ní gbogbo ayé.

¹⁵Ó ránti májẹ̀mú rẹ́ títí láé, ọ̀rọ̀ tí Ó pa láṣẹ fún ẹgbẹ̀rún ìran,

¹⁶Májẹ̀mu tí ó dá pẹ̀lú Ábúráhámù, ìbúra tí ó ṣe pẹ̀lú fún Ísákì.

¹⁷Ó ṣe ìdánilójú u Rẹ̀ fún Jákọ́bù gẹ́gẹ́ bí òfin, sí Ísírẹ́lì gẹ́gẹ́ bí májẹ̀mú láéláé.

¹⁸“Sí ọ, ni Èmi yóò fún ní ilẹ̀ Kénánì. Gẹ́gẹ́ bí àyè tí ìwọ yóò jogún.”

¹⁹Nígbà tí wọn kéré ní iye, wọ́n kéré gidigidi, wọ́n sì jẹ́ àlejò níbẹ̀,

²⁰wọ́n rìn kiri láti orílẹ̀ èdè sí orílẹ̀-èdè láti ìjọba kan sí èkejì.

²¹Kò gba ọkùnrin kankan láyè láti pọ́n wọn lójú; nítorí ti wọn, ó bá àwọn ọba wí.

²²“Má ṣe fọwọ́ kan àwọn ẹni àmì òróró mi; Má ṣe pa àwọn wòlíì mi lára.”

²³ Kọrin sí OLÚWA gbogbo ayé; ẹ máa fi ìgbàlà Rẹ̀ hàn láti ọjọ́ dé ọjọ́.

²⁴Kéde ìgbàlà à Rẹ̀ láàárin àwọn orílẹ̀-èdè, ohun ìyàlẹ́nu tí ó se láàrin gbogbo ènìyàn.

²⁵Nítorí títóbi ni OLÚWA òun sì ni ìyìn yẹ Jùlọ; òun ni kí a bẹ̀rù ju gbogbo àwon Ọlọ́run lọ.

²⁶Nítorí gbogbo àwọn Ọlọ́run orílẹ̀ èdè jẹ́ àwọn òrìsà, ṣùgbọ́n OLÚWA dá àwọn ọ̀run.

²⁷Dídán àti ọlá-ńlá ni ó wà ní wájú Rẹ̀; agbára àti ayọ̀ ni ó wà ní ibi ibùgbé Rẹ̀.

²⁸Fifún OLÚWA, ẹ̀yin ìdílé àwọn orílẹ̀-èdè, ẹ fi ògo àti ipá fún OLÚWA,

²⁹fún OLÚWA ní ìyìn nítorí orúkọ Rẹ̀. Gbé ọrẹ kí ẹ sì wá ṣíwájú Rẹ̀; Sìn OLÚWA nínú inú dídùn ìwà mímọ́ Rẹ̀.

³⁰Wárìrì níwájú Rẹ̀, gbogbo ayé! Ayé sì fi ìdímúlẹ̀; a kò sì le è síi.

³¹Jẹ́ kí àwọn ọ̀run kí ó yọ̀ Jẹ́ kí ayé kí ó ṣe inú dídùn; Jẹ́ kí wọn kí ó sọ láàárin àwọn orílẹ̀ èdè, pé “OLÚWA jọba!”

³²Jẹ́ kí ọ̀run kí ó tún dún padà, ati gbogbo ohun tí ó wà nínú Rẹ̀; Jẹ́ kí àwọn pápá kí ó hó fún ayọ̀, àti gbogbo ohun tí ó wà nínú Rẹ̀!

³³Nígbà náà ni igi ti ọ̀dàn yóò kọrin, Wọn yóò kọrin fún ayọ̀ níwájú OLÚWA, Nítorí tí ó wá láti sèdájọ́ ayé.

³⁴ Fi ọpẹ fún OLÚWA, nítórí tí ó dára; ìfẹ́ ẹ Rẹ̀ dúró títí láé.

³⁵ Sunkún jáde, “Gbà wá, Ọlọ́run Olùgbàlà a wa; kówajọ kí o sì gbà wá kúrò lọ́wọ́ àwọn orílẹ̀ èdè, kí àwa kí ó lè fí ọpẹ́ fún orúkọ mímọ́ rẹ, kí àwa kí ó lè yọ̀ nínú ìyìn Rẹ̀.”

³⁶Olùbùkún ni OLÚWA, Ọlọ́run Ísírẹ́lì, láé àti láéláé. Lẹ́yìn náà gbogbo àwọn ènìyàn wí pé “Àmín” wọ́n sì Yin OLÚWA.

³⁷Dáfídì fi Áṣáfù àti àwọn ẹlẹgbẹ́ Rẹ̀ sílẹ̀ níwájú àpótí ẹ̀rí májẹ̀mú OLÚWA láti jísẹ́ níbẹ̀ déédé, gẹ́gẹ́ bí ọjọ́ kọ̀ọ̀kan ṣe gbà.

³⁸Ó fí Óbédì-Edomù àti méjìdín láàdọ́rin (68) ẹlẹgbẹ́ ẹ Rẹ̀ làti siṣẹ́ ìránṣẹ́ pẹ̀lú wọn. Óbédí-Édómú ọmọ Jédútúnì àti Hósà pẹ̀lú jẹ́ olútọ́jú ẹnu-ọ́nà.

³⁹Dáfídì fi Ṣádókù àlùfáà àti àwọn àlùfáà ẹlẹgbẹ́ Rẹ̀ níwájú Àgọ́ OLÚWA ní ibi gíga ní Gíbíónì.

⁴⁰Láti gbé pẹpẹ ọrẹ sísun déédé, àárọ̀ àti Ìrọ̀lẹ́ ní ìbámu pẹ̀lú gbogbo ohun tí a kọ sínú òfin OLÚWA, tí ó ti fún Ísírẹ́lì.

⁴¹Pẹ̀lú wọn ni Hémánì àti Jédútúnì àti ìyókù tí a mú àti yàn nípaṣẹ̀ orúkọ láti fi ọpẹ́ fún OLÚWA Nítorí tí ìfẹ́ Rẹ̀ dúró títí láéláé

⁴²Hémánì àti Jédútúnì ni wọ́n dúró fún fifọn ìpè àti Ṣíḿibálì àti fún títa ohun èlò yòókù fún orin yíyàsọ́tọ̀. Àwọn ọmọ Jédútúnì wà ní ipò dídúró ní ẹnu-ọ̀nà.

⁴³Nígbà náà gbogbo àwọn ènìyàn kúrò, olúkúlùkù sí ilé láti lọ bùkún ìdílé Rẹ̀