Read Bíbélì Mímọ́ ní Èdè Yorùbá Òde-Òní Ìwé Jóòbù 26 Bible Online

Ìwé Jóòbù 26 - Bíbélì Mímọ́ ní Èdè Yorùbá Òde-Òní bible

Ìwé Jóòbù 26

¹Ṣùgbọ́n Jóòbù sì dáhùn wí pé:

²Báwo ni ìwọ ń ṣe ìrànlọ́wọ́ ẹni tí kò ní ipá, báwo ní ìwọ ń ṣe gbà apá ẹni tí kò ní agbára?

³Báwo ni ìwọ ń ṣe ìgbìmọ̀ ẹni tí kò ní ọgbọ́n, tàbí báwo ní ìwọ sọdi ọ̀ràn ní ọ̀pọ̀lọpọ̀ bí ó ti rí?

⁴Ta ni ó ràn ọ́ lọ́wọ́ láti sọ àwọn ọ̀rọ̀ wọ̀nyí, àti ẹ̀mi ta ni ó gba ẹnu rẹ sọ̀rọ̀?

⁵“Àwọn aláìlágbára ti iṣà òkú wárìrì, lábẹ́ omi pẹ̀lú àwọn tí ń gbé inú rẹ̀.

⁶Ìhòòhò ni ipò òkú níwájú Ọlọ́run, ibi ìparun kò sí ní ibojì.

⁷Òun ní o nà ìhà àríwá ọ̀run ní ibi òfùrufú, ó sì fi ayé rọ̀ ní ojú òfo.

⁸Ó di omi pọ̀ nínú ìkùùkù àwọsánmọ̀ rẹ̀ tí ó nípọn; àwọsánmọ̀ kò sì ya nísàlẹ̀ wọn.

⁹Ó sì fa ojú ìtẹ́ rẹ̀ sẹ́yìn, ó sì tẹ àwọsánmọ̀ rẹ̀ sí i lórí.

¹⁰Ó fi idẹ yí omi òkun ká, títí dé ààlà ìmọ́lẹ̀ àti òkùnkùn.

¹¹Ọ̀wọ̀n òpó ọ̀run wárìrì, ẹnu sì yà wọ́n sì ìbàwí rẹ̀.

¹²Ó fi ipá rẹ̀ dààmú omi òkun; nípa òye rẹ̀, ó gé Ráhábù sí wẹ́ẹ́wẹ́.

¹³Nípa ẹ̀mí rẹ̀ ni ó ti ṣe ọ̀run ní ọ̀sọ́; ọwọ́ rẹ̀ ni ó ti dá ejò wíwo nì.

¹⁴Kíyèsí i, èyí ní òpin ọ̀nà rẹ̀; ohùn èyí tí a gbọ́ ti kéré tó! Ta ni ẹni náà tí òye àrá agbára rẹ̀ lè yé?”