Read Bíbélì Mímọ́ ní Èdè Yorùbá Òde-Òní Ìwé Jóòbù 4 Bible Online

Ìwé Jóòbù 4 - Bíbélì Mímọ́ ní Èdè Yorùbá Òde-Òní bible

Ìwé Jóòbù 4

¹Ígbà náà ni Élífásì, ará Témà dáhùn wí pé:

²“Bí àwa bá fi ẹnu lé e, láti bá ọ sọ̀rọ̀, ìwọ o ha banújẹ́? Ṣùgbọ́n ta ni ó lè pa ọ̀rọ̀ mọ́ ẹnu láìsọ?

³Kíyèsí i, ìwọ sá ti kọ́ ọ̀pọ̀ ènìyàn, ìwọ ṣá ti mú ọwọ́ aláìlera le.

⁴Ọ̀rọ̀ rẹ ti gbé àwọn tí ń ṣubú lọ dúró, ìwọ sì ti mú eékún àwọn tí ń wárìrì lera.

⁵Ṣùgbọ́n nísinsìnyí ó dé bá ọ, ó sì rẹ̀ ọ́, ó kọ lù ọ́; ara rẹ kò lélẹ̀.

⁶Ìbẹ̀rù Ọlọ́run rẹ kò ha jẹ́ ìgbẹ́kẹ̀lé rẹ àti ìdúró ọ̀nà rẹ kò ha sì jẹ́ ìrètí rẹ?

⁷“Èmi bẹ̀ ọ́ rántí: Ta ni ó ṣègbé rí láìṣẹ̀? Tàbí níbo ni a gbé gé olódodo kúrò rí?

⁸Àní bí èmi ti rí i pé, àwọn tí ń se ìtùlẹ̀ ẹ̀ṣẹ̀, tí wọ́n sì fún irúgbìn ìwà búburú, wọn a sì ká èso rẹ̀ náà.

⁹Nípa ìfẹ́ sí Ọlọ́run wọn a ṣègbé, nípa èémí ìbínú rẹ̀ wọn a parun.

¹⁰Bíbú ramúramù kìnnìún àti ohùn òǹrorò kìnníun àti eyín àwọn ẹ̀gbọ̀rọ̀ kìnnìún ní a ká.

¹¹Ógbó kìnnìún kígbe, nítorí àìrí ohun ọdẹ, àwọn ẹ̀gbọrọ kìnnún sísanra ni a túká kiri.

¹²“Ǹjẹ́ nísinsìn yìí a fí ohun lílùmọ́ kan hàn fún mi, etí mi sì gbà díẹ̀ nínú rẹ̀.

¹³Ní ìrò ínú lojú ìrán òru, nígbà tí oorun èjìkà kùn ènìyàn.

¹⁴Ẹ̀rù bà mí àti ìwárìrì tí ó mú gbogbo egungun mi jí pépé.

¹⁵Nígbà náà ni iwin kan kọjá lọ ní iwájú mi, irun ara mi dìde ró ṣánṣán.

¹⁶Ó dúró jẹ́ẹ́, ṣùgbọ́n èmi kò le wo àpẹẹrẹ ìrí rẹ̀, àwòrán kan hàn níwájú mi, ìdákẹ́ rọ́rọ́ wà, mo sì gbóhùn kan wí pé:

¹⁷‘Ẹni kíkú le jẹ́ olódodo níwájú Ọlọ́run, ènìyàn kò ha le mọ̀ ju Ẹlẹ́dàá rẹ̀ bí?

¹⁸Kíyèsí i, òun kò gbẹ́kẹ̀lé àwọn ìránṣẹ́ rẹ̀, nínú àwọn ańgẹ́lì rẹ̀ ní ó sì rí ẹ̀ṣẹ̀

¹⁹Áńbọ̀ńtórí àwọn tí ń gbé inú ilé amọ̀, ẹni tí ìbílẹ̀ wọ́n jẹ́ sí erùpẹ̀ tí yóò di rírun kòkòrò.

²⁰A pa wọ́n run láti òwúrọ̀ di alẹ́, wọ́n gbé láé láìrí ẹni kà á sí.

²¹A kò ha ké okùn ìye wọ̀n kúrò bí? Wọ́n kú, àní láìlọ́gbọ́n?’