Read Bíbélì Mímọ́ ní Èdè Yorùbá Òde-Òní Ìwé Jóòbù 41 Bible Online

Ìwé Jóòbù 41 - Bíbélì Mímọ́ ní Èdè Yorùbá Òde-Òní bible

Ìwé Jóòbù 41

¹“Ǹjẹ́ ìwọ lè ífi ìwọ fa Lefíátanì, ọ̀nì ńlá jáde? Tàbí ìwọ lè fi okùn so ahọ́n rẹ̀ mọ́lẹ̀?

²Ìwọ lè fi okùn bọ̀ ọ́ ní ímú, tàbí fi ìwọ̀ gun ní ẹ̀rẹ̀kẹ́?

³Òun ha jẹ́ bẹ ẹ̀bẹ̀ fún àánú lọ́dọ̀ rẹ ní ọ̀pọ̀lọpọ̀ bí òun ha bá ọ sọ̀rọ̀ pẹ̀lẹ́?

⁴Òun ha bá ọ dá májẹ̀mú bí? Ìwọ ó ha máa mú ṣe ẹrú láéláé bí?

⁵Ìwọ hà lè ba saré bí ẹni pé ẹyẹ ni, tàbí ìwọ ó dè é fún àwọn ọmọbìnrin ìránṣẹ́ rẹ̀?

⁶Ẹgbẹ́ àwọn apẹja yóò ha máa tà á bí? Wọn ó ha pín láàrin àwọn oníṣòwò?

⁷Ìwọ ha lè fi ọ̀kọ̀-irin awọ rẹ̀, tàbí orí rẹ̀ pẹ̀lú ọ̀kọ̀ ipẹja.

⁸Fi ọwọ́ rẹ lée lára, ìwọ ó rántí ìjà náà, ìwọ kì yóò sì ṣe bẹ̀ẹ́ mọ́.

⁹Kiyèsí àbá nípaṣẹ̀ rẹ ní asán; ní kìkì ìrí rẹ̀ ara kì yóò ha rọ̀ ọ́ wẹ̀sì?

¹⁰Kò sí ẹni aláyà lílé tí ó lè ru sókè; Ǹjẹ́ ta ni ó lè dúró níwájú mi.

¹¹Ta ni ó ṣáájú ṣe fún mi, tí èmi ìbá fi san-án fún un? Ohunkóhun ti ń bẹ lábẹ́ ọ̀run gbogbo, tèmi ni.

¹²“Èmi kì yóò fi ẹ̀yà ara rẹ, tàbi ipá rẹ, tàbí ìhámọ́ra rẹ tí ó ní ẹwà pamọ́.

¹³Ta ni yóò lè rídìí aṣọ àpáta rẹ? Tàbí ta ni ó lè súnmọ́ ọ̀nà méjì ẹ̀yìn rẹ.?

¹⁴Ta ni ó lè sí ìlẹ̀kùn ẹnu rẹ? Àyíká ẹ̀yin rẹ ni ìbẹ̀rù ńlá.

¹⁵Ipẹ́ lílé ní ìgbéraga rẹ̀; ó pàdé pọ̀ tímọ́tímọ́ bí àmì èdìdì.

¹⁶Èkíní fi ara mọ́ èkejì tóbẹ́ẹ̀ tí afẹ́fẹ́ kò lè wọ àárin wọn.

¹⁷Èkíní fi ara mọ́ èkejì rẹ̀; wọ́n lẹ̀ wọ́n pọ̀ tí a kò lè mọ̀ wọ́n.

¹⁸Nípa sísin rẹ̀ ìmọ́lẹ̀ mọ́, ojú rẹ̀ a sì dàbí ìpénpéjú òwúrọ̀.

¹⁹Láti ẹnu rẹ ni ọ̀wọ́ iná ti jáde wá, ìpẹ́pẹ́ iná a sì ta jáde.

²⁰Láti imu rẹ ni èéfín ti jáde wá, bí ẹni pé láti inú ìkòkò tí a fẹ́ iná ìféfé lábẹ́ rẹ̀.

²¹Èémi rẹ̀ tinábọ ẹ̀yin, ọ̀wọ́ iná sì ti ẹnu rẹ̀ jáde.

²²Ní ọrún rẹ̀ ní agbára kù sí, àti ìbànújẹ́ àyà sì padà di ayọ̀ níwájú rẹ̀.

²³Jabajaba ẹran rẹ̀ dìjọ pọ̀, wọ́n múra gírí fún ara wọn, a kò lè sí wọn nípò.

²⁴Àyà rẹ̀ dúró gbagigbagi bí òkúta, àní ó le bi ìyá ọlọ.

²⁵Nígbà tí ó bá gbé ara rẹ̀ sókè, àwọn alágbára bẹ̀rù; nítorí ìbẹ̀rù ńlá, wọ́n dààmú.

²⁶Ọ̀kọ̀ tàbí idà, tàbi ọfà, ẹni tí ó sá a kò lè rán an.

²⁷Ó ká ìrin sí bi koríko gbígbẹ àti idẹ si bi igi híhù.

²⁸Ọfà kò lè mú un sá; òkúta kànnakánná lọ́dọ̀ rẹ̀ dàbí àkékù koríko.

²⁹Ó ka ẹṣin sí bí àkékù idi koríko; ó rẹ́rin-ín sí mímì ọ̀kọ̀.

³⁰Òkúta mímú ń bẹ nísàlẹ̀ abẹ́ rẹ̀, ó sì tẹ́ ohun mímú ṣónṣó sórí ẹrẹ̀.

³¹Ó mú ibú omi hó bí ìkòkò; ó sọ̀ agbami òkun dàbí kólòbó ìkunra.

³²Ó mú ipa ọ̀nà tan lẹ́yìn rẹ̀; ènìyàn a máa ka ibú sí ewú arúgbó.

³³Lórí ilẹ̀ ayé kò sí ẹni tí ó dàbí rẹ̀, tí a dá láìní ìbẹ̀rù.

³⁴Ó bojú wo ohun gíga gbogbo, ó sì nìkan já sí ọba lórí gbogbo àwọn ọmọ ìgbéraga.”