Read Bíbélì Mímọ́ ní Èdè Yorùbá Òde-Òní Ìwé Jóòbù 8 Bible Online

Ìwé Jóòbù 8 - Bíbélì Mímọ́ ní Èdè Yorùbá Òde-Òní bible

Ìwé Jóòbù 8

¹Ígbà náà ni Bílídádì, ará Ṣúà, sì dáhùn wí pé:

²“Ìwọ yóò ti máa sọ nǹkán wọ̀nyí pẹ́ tó? Tí ọ̀rọ̀ ẹnu rẹ̀ yóò sì máa bí ẹ̀fúùfú ńlá?

³Ọlọ́run a ha máa yí ìdájọ́ po bí, tàbí Olódùmárè a máa fi òtítọ́ sẹ̀ bí?

⁴Nígbà tí àwọn ọmọ rẹ̀ sẹ̀ sí i, ó sì gbá wọn kúrò nítorí àṣẹ wọn.

⁵Bí ìwọ bá sì képe Ọlọ́run ní ìgbà àkókò, tí ìwọ sì gbàdúrà ẹ̀bẹ̀ sí Olódùmáarè.

⁶Ìwọ ìbá mọ́, kí ó sì dúró sinṣsin: ǹjẹ́ nítòótọ́ nísinsìn yìí òun yóò tají fún ọ, òun a sì sọ ibùjókòó òdodo rẹ di púpọ̀.

⁷Ìpilẹsẹ̀ rẹ ìbá tilẹ̀ kéré si í, bẹ́ẹ̀ ìgbẹ̀yin rẹ ìbá pọ̀ sí i gidigidi.

⁸“Èmi bẹ̀ ọ́ ǹjẹ́, bèèrè lọ́wọ́ àwọn ará ìgbà nì kí o sì kíyèsí ìwádìí àwọn baba wọn.

⁹Nítorí pé ọmọ-àná ni àwa, a kò sì mọ nǹkan, nítorí pé òjìji ni ọjọ́ wa ni ayé.

¹⁰Àwọn kì yóò wa kọ ọ́, wọn kì yóò sì sọ fún ọ? Wọn kì yóò sì sọ̀rọ̀ láti inú òye wọn jáde wá?

¹¹Koríko odò ha lè dàgbà láìní ẹrẹ̀ tàbí èèsú ha lè dàgbà láìlómi?

¹²Nígbà tí ó wà ní tútù, tí a kò kee lulẹ̀, ó rọ dànù, ewéko mìíràn gbogbo hù dípò rẹ̀

¹³Bẹ́ẹ̀ ni ipa ọ̀nà gbogbo àwọn tí ó gbàgbé Ọlọ́run, àbá àwọn àgàbàgebè yóò di òfo.

¹⁴Àbá ẹni tí a ó ké kúrò, àti ìgbẹ́kẹ̀lé ẹni tí ó dà bí ilé aláǹtakùn.

¹⁵Yóò fi ara ti ilé rẹ̀, ṣùgbọ́n kì yóò lè dúró, yóò fi di ara rẹ̀ mú ṣinṣin ṣùgbọ́n kì yóò lè dúró pẹ́

¹⁶Ó tutù bí irúgbìn tí a bomirin níwájú òòrùn, ẹ̀ka rẹ̀ sì yọ jáde nínú ọgbà rẹ̀.

¹⁷Gbòǹgbò rẹ̀ ta yí ebè ká, ó sì wó ibi òkúta wọ̀n-ọn-nì.

¹⁸Bí ó bá sì pa á run kúrò ní ipò rẹ̀, nígbà náà ni ipò náà sẹ́ ẹ pé, ‘Èmi kò ri ọ rí!’

¹⁹Kíyèsí i, ayé rẹ̀ gbẹ dànù àti lati inú ilẹ̀ ní irúgbìn òmìíràn yóò hù jáde wá.

²⁰“Kíyèsí i, Ọlọ́run kì yóò ta ẹni òtítọ́ nù, bẹ́ẹ̀ ni kì yóò ran oníwà-búburú lọ́wọ́

²¹títí yóò fi fi ẹ̀rín kún ọ ní ẹnu, àti ètè rẹ pẹ̀lú ìhó ayọ̀

²²ìtìjú ní a o fi bo àwọn tí ó koríra rẹ̀, àti ibùjókòó ènìyàn búburú kì yóò sí mọ́.”