Read Bíbélì Mímọ́ ní Èdè Yorùbá Òde-Òní Ìwé Sáàmù 101 Bible Online

Ìwé Sáàmù 101 - Bíbélì Mímọ́ ní Èdè Yorùbá Òde-Òní bible

Ìwé Sáàmù 101

¹Èmi yóò kọrin ìfẹ́ àti òdodo; sí ọ OLÚWA, èmi yóò máa kọrin ìyìn.

²Èmi yóò máa rin ìrìn mi pẹ̀lú ọgbọ́n láìlẹ́sẹ̀, ìgbà wo ni ìwọ yóò wá sí ọ̀dọ̀ mi? Èmi yóò máa rìn ní ilé mi pẹ̀lú àyà pípé.

³Èmi kì yóò gbé ohun búburú sí iwájú mi: iṣẹ́ àwọn tí o yapa ni èmi kórìíra wọn kì yóò rọ̀ mọ́ mi.

⁴Agídí ọkàn yóò kúrò lọ́dọ̀ mi Èmi kì yóò mọ ènìyàn búburú.

⁵Ẹnikẹni tí ó bá ń sọ̀rọ̀ ẹnikejì Rẹ̀ ní ìkọ̀kọ̀, oun ní èmi yóò gé kúrò ẹni tí ó bá gbé ojú Rẹ̀ ga tí ó sì ní ìgbéraga àyà, òun ní èmi kì yóò faradà fún.

⁶Ojú mi yóò wà lára àwọn olóòtọ́ lórí ilẹ̀, kí wọn kí ó le máa bá mi gbé; ẹni tí o bá ń rìn ọ̀nà pípé òun ni yóò máa sìn mí.

⁷Ẹni tí o bá ń ṣe ẹ̀tàn, kì yóò gbé ilé mi, kò sí ẹni tí ń ṣèké ti yóò dúró ní iwájú mi.

⁸Ní ojojúmọ́ ní èmi yóò wá máa pa lẹ́nu mọ gbogbo àwọn ènìyàn búburú ilẹ̀ náà; èmi yóò gé àwọn olùṣe búburú kúrò ní ìlú OLÚWA.