Read Bíbélì Mímọ́ ní Èdè Yorùbá Òde-Òní Ìwé Sáàmù 108 Bible Online

Ìwé Sáàmù 108 - Bíbélì Mímọ́ ní Èdè Yorùbá Òde-Òní bible

Ìwé Sáàmù 108

¹ Ọlọ́run, ọkàn mi dúró ṣinṣin èmi ó máa kọrin, èmi o máa fi ọkàn mi kọrin

²Jí ohun èlò orin àti háápù èmi ó jí ní kùtùkùtù

³Èmi ó yìn ọ, Ọlọ́run nínú àwọn orílẹ̀ èdè èmi o kọrin Rẹ nínú àwọn ènìyàn

⁴Nítorí tí o tóbi ní àánú Rẹ ju àwọn ọ̀run lọ àti òdodo Rẹ dé àwọ̀sánmọ̀

⁵Gbé ara Rẹ ga, Ọlọ́run, lórí àwọn ọ̀run, àti ògo Rẹ lórí gbogbo ayé.

⁶ Gbà wá kí ó sì ràn wá lọ́wọ́, pẹ̀lú ọwọ́ ọ̀tún Rẹ, se igbala, ki o si da mi lóhùn

⁷Ọlọ́run ti sọ̀rọ̀ níbi mímọ́ “Ní ìsẹ́gun ní èmi ó ké Sékémù èmi yóò sì wọ́n ibi gíga Sukobù

⁸Gílíádì ni tèmi, Mánásè ni tèmi Éfuraimù ní ìbòrí mi Júdà ní olófin mi

⁹Móábù si ni ìkòkò ìwàsẹ̀ mi lórí Édómù ní èmi ó bọ́ bàtà mi sí lórí òkè Fílísitínì ni èmi yóò hó ìhó ayọ̀.”

¹⁰Ta ni yóò mú mi wá sí ìlú olódi Ta ni yóò sìn mi wá sí Édómù

¹¹Ìwọ Ọlọ́run há kọ́, ìwọ tí ó ti kọ̀ wá sílẹ̀ Ọlọ́run ìwọ kì yóò bá àwọn jagunjagun wa jáde mọ́.

¹²Fún wa ní ìrànlọ́wọ́ nínú ìpọ́njú nítorí ìrànlọ́wọ́ ènìyàn asán ni

¹³Nípaṣẹ̀ Ọlọ́run ni àwa ó ṣe akin nítorí oun ó tẹ àwọn ọ̀ta wa mọ́lẹ̀.