Read Bíbélì Mímọ́ ní Èdè Yorùbá Òde-Òní Ìwé Sáàmù 112 Bible Online

Ìwé Sáàmù 112 - Bíbélì Mímọ́ ní Èdè Yorùbá Òde-Òní bible

Ìwé Sáàmù 112

¹Ẹ fi ìyìn fún OLÚWA. Ìbùkún ni fún Ọkùnrin náà tí ó bẹ̀rù Ọlọ́run, tí ó ní inúdídùn ńlá sí àwọn òfin Rẹ̀.

²Iru ọmọ Rẹ̀ yóò jẹ́ alágbára ní ayé: ìran àwọn olóòótọ́ ni a ó bùkún fún

³Ọlá àti ọrọ̀ yóò wà nínú ilé Rẹ̀: òdodo Rẹ̀ sì dúró láé.

⁴Fún olóòótọ́ ni ìmọ́lẹ̀ yóò tàn fún ni òkùnkùn: olóore ọ̀fẹ́ àti aláàánú àti òdodo.

⁵Ọkùnrin rere fí ojú rere hàn, a sì wín ni, ìmòye ni yóò máa fi la ọ̀nà iṣẹ́ Rẹ̀.

⁶Dájúdájú kì yóò le yí ni ìpo padà láéláé: olódodo ni a ó máa ṣe ìrántí ní ayérayé.

⁷Òun kì yóò bèèrè ìyìn búburú: ọkàn Rẹ̀ ti dúró, ó ní ìgbẹ́kẹ̀lé nínú OLÚWA.

⁸Ó ti mú ọkàn Rẹ̀ gbilẹ̀, ẹ̀rù kí yóò bàá, títí yóò fi rí ìfẹ́ ọkan Rẹ̀ lórí àwọn ọ̀tá Rẹ̀.

⁹ Ó ti pin ká, ó ti fi fún àwọn olùpọ́njú; Nítorí òdodo Rẹ̀ dúró láé; ìwọ Rẹ̀ ní a ó gbé sókè pẹ̀lú ọlá.

¹⁰Ènìyàn búburú yóò rí, inú wọn yóò sì bàjẹ́, yóò sì pa eyín keke, yó sì yọ dànù: èròngbà ọkàn ènìyàn búburú ni yóò ṣègbé.