Read Bíbélì Mímọ́ ní Èdè Yorùbá Òde-Òní Ìwé Sáàmù 136 Bible Online

Ìwé Sáàmù 136 - Bíbélì Mímọ́ ní Èdè Yorùbá Òde-Òní bible

Ìwé Sáàmù 136

¹Ẹ fi ọpẹ́ fún OLÚWA nítorí tí ó ṣeun; nítorí tí àánú Rẹ̀ dúró láéláé.

²Ẹ fi ọpẹ́ fún Ọlọ́run àwọn ọlọ́run: nítorí tí àánú Rẹ̀ dúró láéláé.

³Ẹ fi ọpẹ́ fún OLÚWA àwọn OLÚWA, nítorí tí àánú Rẹ̀ dúró láéláé.

⁴Fún Òun nìkan tí ń ṣiṣẹ́ ìyanu ńlá; nítorí tí àánú Rẹ̀ dúró láéláé.

⁵Fún ẹni tí ó fi ọgbọ́n dá ọ̀run; nítorí tí àánú Rẹ̀ dúró láéláé.

⁶ Fún ẹni tí ó tẹ́ ilẹ̀ lórí omi; nítorí tí àánú Rẹ̀ dúró láéláé.

⁷ Fún ẹni tí ó dá àwọn ìmọ́lẹ̀ ńlá; nítorí tí àánú Rẹ̀ dúró láéláé

⁸Òòrùn láti jọba ọ̀sán; nítorí tí àánú Rẹ̀ dúró láéláé.

⁹Òsùpá àti ìràwọ̀ láti jọba òru; nítorí tí àánú Rẹ̀ dúró láéláé.

¹⁰ Fún ẹni tí ó kọlu Éjíbítì lára àwọn àkọ́bí wọn; nítorí tí àánú Rẹ̀ dúró láéláé.

¹¹ Ó sì mú Ísírẹ́lì jáde kúrò láàrin wọn; nítorí tí àánú Rẹ̀ dúró láéláé.

¹²Pẹ̀lú ọwọ́ agbára àti apá nínà; nítorí tí àánú Rẹ̀ dúró láéláé.

¹³ Fún ẹni tí ó pín òkun pupa ní ìyà; nítorí tí àánú Rẹ̀ dúró láéláé.

¹⁴Ó sì mú Ísírẹ́lì kọjá láàrin Rẹ̀ nítorí tí àánú Rẹ̀ dúró láéláé.

¹⁵Ṣùgbọ́n ó bi Fáráò àti ogun Rẹ̀ ṣubú nínú òkun pupa; nítorí tí àánú Rẹ̀ dúró láéláé.

¹⁶Fún ẹni tí ó sin àwọn ènìyàn Rẹ̀ la ihà já nítorí tí àánú Rẹ̀ dúró láéláé.

¹⁷Fún ẹni tí ó kọ lu àwọn ọba ńlá; nítorí tí àánú Rẹ̀ dúró láéláé.

¹⁸Ó sì pa àwọn ọba olókìkí nítorí tí àánú Rẹ̀ dúró láéláé.

¹⁹Síónì, ọba àwọn ará Ámórì nítorí tí àánú Rẹ̀ dúró láéláé.

²⁰Àti Ógù, ọba Báṣánì; nítorí tí àánú Rẹ̀ dúró láéláé.

²¹Ó sì fi ilẹ̀ wọn fúnni ní ìní, nítorí tí àánú Rẹ̀ dúró láéláé.

²²Ìní fún Ísírẹ́lì, ìránṣẹ́ Rẹ̀, nítorí tí àánú Rẹ̀ dúró láéláé.

²³Ẹni tí ó rántí wa ní ìwà ìrẹ̀lẹ̀ wa; nítorí tí àánú Rẹ̀ dúró láéláé.

²⁴Ó sì dá wa ní ìdè lọ́wọ́ àwọn ọ̀tá wa; nítorí tí àánú Rẹ̀ dúró láéláé.

²⁵Ẹni tí ó fi oúnjẹ fún àwọn ẹ̀dá gbogbo nítorí tí àánú Rẹ̀ dúró láéláé.

²⁶Ẹ fi ọpẹ́ fún Ọlọ́run ọ̀run; nítorí tí àánú Rẹ̀ dúró láéláé.