Read Bíbélì Mímọ́ ní Èdè Yorùbá Òde-Òní Ìwé Sáàmù 137 Bible Online

Ìwé Sáàmù 137 - Bíbélì Mímọ́ ní Èdè Yorùbá Òde-Òní bible

Ìwé Sáàmù 137

¹Ní ẹ̀bá odò Bábílónì, níbẹ̀ ní àwa gbé jókòó àwa sì sunkún nígbà tí àwa rántí Síónì.

²Àwa fi dùùrù wa kọ́ sí orí igi wílóò, tí ó wà láàrin Rẹ̀.

³Nítorí pé níbẹ̀ ní àwọn tí ó kó wa ní ìgbékùn bèèrè orin lọ́wọ́ wá, àti àwọn tí ó ni wá lára bèèrè ìdárayá wí pé; ẹ kọ orin Síónì kan fún wa.

⁴Àwa o ti ṣe kọ orin OLÚWA ni ilẹ̀ àjèjì

⁵Jérúsálẹ́mù, bí èmi bá gbàgbé Rẹ jẹ́ kí ọwọ́ ọ̀tún mi kí ó gbàgbé ìlò Rẹ.

⁶Bí èmi kò bá rántí Rẹ, jẹ́ kí ahọ́n mi kí ó lẹ̀ mọ́ èrìgì mi; bí èmi kò bá fi Jérúsálẹ́mù ṣáájú olórí ayọ̀ mi gbogbo.

⁷OLÚWA rántí ọjọ́ Jérúsálẹ́mù, lára àwọn ọmọ Édómù, àwọn ẹni tí ń wí pé, wó o palẹ̀, wó o palẹ̀ de ìpílẹ̀ Rẹ̀!

⁸Ìwọ, ọmọbìnrin Bábílónì, ẹni tí a o parun; ìbùkún ní fún ẹni tí ó san án fún ọ bí ìwọ ti rò sí wa.

⁹Ìbùkún ní fún ẹni tí ó mú tí ó sì fi ọmọ wẹ́wẹ́ Rẹ̀ ṣán òkúta.