Read Bíbélì Mímọ́ ní Èdè Yorùbá Òde-Òní Ìwé Sáàmù 139 Bible Online

Ìwé Sáàmù 139 - Bíbélì Mímọ́ ní Èdè Yorùbá Òde-Òní bible

Ìwé Sáàmù 139

¹OLÚWA, ìwọ tí wádìí mi, ìwọ sì ti mọ̀ mí.

²Ìwọ mọ̀ ìjòkòó mi àti ìdìde mi, ìwọ mọ̀ ìrò mi ní ọ̀nà jnijin réré.

³Ìwọ yí ipa ọ̀nà mi kán àti idùbúlẹ̀ mi, gbogbo ọ̀nà mi sì di mímọ̀ fún ọ.

⁴Nítorí ti kò si ọ̀rọ kan ní ahọ́n mi, kíyèsíi, OLÚWA, ìwọ mọ̀ ọ́n pátapáta.

⁵Ìwọ sé mi mọ́ lẹ́yìn àti níwájú, ìwọ sì fi ọwọ́ Rẹ lé mi.

⁶Irú ìmọ̀ yìí ṣe ohun ìyanu fún mi jù; ó ga, èmi kò le mọ̀.

⁷Níbo ní èmi yóò gbé lọ kúrò ní ọwọ́ ẹ̀mí Rẹ? Tàbí níbo ní èmi yóò sáré kúrò níwájú Rẹ?

⁸Bí èmi bá gòkè lọ sí ọ̀run, ìwọ wà níbẹ̀; bí èmí ba sì tẹ́ ẹní mi ní ipò òkú, kíyèsí i, ìwọ wà níbẹ̀.

⁹Èmi ìbá mú ìyẹ́ apá òwúrọ̀, kí èmi sì lọ jókòó ní ìhà òpin òkun;

¹⁰Àní níbẹ̀ náà ni ọwọ́ Rẹ̀ yóò fà mí ọwọ́ ọ̀tún Rẹ yóò sì dì mí mú.

¹¹Bí mo bá wí pé, ǹjẹ́ kí òkùnkùn kí ó bò mí mọ́lẹ̀; kí ìmọ́lẹ̀ kí ó di òru yí mi ká.

¹²Nítòótọ́ òkùnkùn kì í ṣú lọdọ̀ Rẹ; ṣùgbọ́n òru tan ìmọ́lẹ̀ bí ọ̀sán; àti òkùnkùn àti ọ̀sán, méjèèjì bákan náà ní fún ọ.

¹³Nítorí ìwọ ní ó dá ọkàn mi; ìwọ ní ó bò mí mọ́lẹ̀ nínú ìyá mi.

¹⁴Èmi yóò yìn ọ nítorí tẹ̀rùtẹ̀rù àti tìyanu tìyanu ní a dá mi; ìyanu ní isẹ́ Rẹ; èyí nì ní ọkàn mi sì mọ̀ dájúdájú

¹⁵Ẹ̀dá ara mi kò pamọ́ kúrò lọdọ̀ Rẹ, nígbà tí á dá mi ní ìkọ̀kọ̀, tí a sì ń ṣiṣẹ́ ní àràbarà ní ìhà ìsàlẹ̀ ilẹ̀ ayé.

¹⁶Ojú Rẹ̀ ti rí ohun ara mi tí ó wà láìpé: àti nínú ìwé Rẹ ni a ti kọ gbogbo wọn sí, ní ojojumọ́ ni a ń dá wọn, nígbà tí ọ̀kan wọn kò tí i sí.

¹⁷Ọlọ́run, ìrò inú Rẹ tí ṣe iyebíye tó fún mi, iye wọn ti pọ̀ tó!

¹⁸Èmi ibá kà wọ́n, wọ́n jù iyanrin lọ ní iye: nígbà tí mo bá jí, èmi yóò wà lọ́dọ̀ Rẹ̀ ṣíbẹ̀

¹⁹Ọlọ́run ibá jẹ pa àwọn ènìyàn búburú ní tòótọ́; nítorí náà kúrò lọ́dọ̀ mi ẹ̀yin ọkùnrin ẹ̀jẹ̀.

²⁰Ẹni tí ń fi inú búburú sọ̀rọ̀ sí ọ, àwọn ọ̀tá Rẹ ń pe orúkọ Rẹ ní aṣán!

²¹OLÚWA, ǹjẹ́ èmi kò korìíra àwọn tó korìíra Rẹ? Ǹjẹ́ inú mi kò a sì bàjẹ́ sí àwọn tí ó dìde sí ọ?

²²Èmi korìíra wọn ní àkótán; èmi kà wọ́n sí ọ̀tá mi.

²³Ọlọ́run, wádíì mi, kí ó sì mọ ọkàn mí; dán mi wò, kí ó sì mọ ìrò inú mi

²⁴Kí ó sì wò ó bí ipa ọ̀nà búburú kan bá wà nínú mi kí ó sì fi ẹṣẹ̀ mi lé ọ̀nà àìnípẹ̀kun.