Read Bíbélì Mímọ́ ní Èdè Yorùbá Òde-Òní Ìwé Sáàmù 14 Bible Online

Ìwé Sáàmù 14 - Bíbélì Mímọ́ ní Èdè Yorùbá Òde-Òní bible

Ìwé Sáàmù 14

¹ Asiwèrè wí nínú ọkàn Rẹ̀ pé, “kò sí Ọlọ́run.” Wọ́n díbàjẹ́, iṣẹ́ wọn sì burú; kò sí ẹnìkan tí ó ṣe rere.

²OLÚWA sì bojú wolẹ̀ láti ọ̀run wá lórí àwọn ọmọ ènìyàn bóyá ó le rí ẹni tí òye yé, ẹnikẹ́ni tó ń wá Ọlọ́run.

³Gbogbo wọn sì ti yípadà, gbogbo wọn sì ti díbàjẹ́; kò sì sí ẹni tí ó ń ṣe rere, kò sí ẹnìkan.

⁴Ǹjẹ́ olùṣe búburú kò ha ní kọ́ ẹ̀kọ́: àwọn tí ó ń pa ènìyàn mí jẹ bí ẹníjẹ àkàrà tí wọn kò sì ké pe OLÚWA?

⁵Wọ́n wà níbẹ̀, tí a bò mọ́lẹ̀ pẹ̀lú ẹ̀rù, nítorí OLÚWA wà ní àwùjọ àwọn olódodo.

⁶Ẹ̀yin olùṣe búburú ba èrò àwọn aláìní jẹ́, ṣùgbọ́n OLÚWA ni ààbò wọn.

⁷Ìgbàlà àwọn Ísírẹ́lì yóò ti Síónì wá! Nígbà tí OLÚWA bá mú ìkólọ àwọn ènìyàn Rẹ̀ padà, jẹ́ kí Jákọ́bù kí ó yọ̀, kí inú Ísírẹ́lì kí ó dùn!