Read Bíbélì Mímọ́ ní Èdè Yorùbá Òde-Òní Ìwé Sáàmù 142 Bible Online

Ìwé Sáàmù 142 - Bíbélì Mímọ́ ní Èdè Yorùbá Òde-Òní bible

Ìwé Sáàmù 142

¹Èmi kígbe sókè sí OLÚWA; Èmi gbé ohùn mi sókè sí OLÚWA fún àánú.

²Èmi tú àròyé mí sílẹ̀ níwájú Rẹ̀ bẹ́ẹ̀ ní èmi fi iṣẹ́ mi hàn níwájú Rẹ̀.

³Nígbà tí ẹ̀mí mi ṣààrẹ̀ nínú mi, ìwọ ni ẹni tí ó mọ ọ̀nà mi. Ní ipa ọ̀nà tí èmi ń rìn ènìyàn ti dẹ okùn fún mi ní ìkọ̀kọ̀

⁴Wo ọwọ́ ọ̀tún mi kí ó sì wò ó kò sí ẹni tí ó ṣe àníyàn fún mi èmi kò ní ààbò; kòsí ẹni tí ó ṣe àníyàn fún ayé mi.

⁵Èmi kígbe sí ọ, OLÚWA: èmi wí pe, “ìwọ ni ààbò mi, ìpín mi ní ilẹ̀ alààyè”

⁶Fi etí sí igbe mi, nítorí tí èmi wà nínú àníìrètí gbà mí lọ́wọ́ àwọn tí ń lépa mi, nítorí wọ́n lágbára jù mi lọ

⁷Mú mi jáde kúrò nínú túbú, kí èmi lè máa yin orúkọ Rẹ. Nígbà náà ni àwọn olódodo yóò péjọ nípa mi nítorí iwọ yóò fi ọ̀pọ̀lọpọ̀ ba mi ṣe.