Read Bíbélì Mímọ́ ní Èdè Yorùbá Òde-Òní Ìwé Sáàmù 145 Bible Online

Ìwé Sáàmù 145 - Bíbélì Mímọ́ ní Èdè Yorùbá Òde-Òní bible

Ìwé Sáàmù 145

¹Èmi yóò gbé ọ ga, Ọlọ́run ọba mi; Èmi yóò yin orúkọ Rẹ̀ láé àti láéláé

²Ní ojoojúmọ́ èmi yóò yìn ọ́ èmi yóò sì pòkìkí orúkọ Rẹ láé àti láéláé.

³Títóbi ni OLÚWA. Òun sì ni ó yẹ láti fi ìyìn fún púpọ̀púpọ̀: kò sí ẹni tí ó lè wọn títóbi Rẹ̀.

⁴Ìran kan yóò máa yin iṣẹ́ Rẹ dé ìran mìíràn; wọn yóò máa sọ iṣẹ́ agbára Rẹ

⁵Wọn yóò máa sọ ìyìn ọlá ńlá Rẹ tí ó lógo, èmi yóò máa ṣe àṣàrò nínú iṣẹ́ ìyanu Rẹ.

⁶Wọn yóò sọ iṣẹ́ agbára Rẹ tí ó ní ẹ̀rù èmi yóò kéde iṣẹ́ ńlá Rẹ̀.

⁷Wọn yóò ṣe ìrántí ọ̀pọ̀lọpọ̀ ìwà rere Rẹ àti orin ayọ̀ òdodo Rẹ.

⁸Olore òfẹ́ ni OLÚWA àti aláàánú ó lọ́ra láti bínú ó sì ní ìfẹ́ púpọ̀,

⁹OLÚWA dára sí ẹni gbogbo; ó ní àánú lóri ohungbogbo tí ó dá.

¹⁰Gbogbo ohun tí ìwọ ti dá ni yóò máa yìn ọ́ OLÚWA; àwọn ẹni mímọ́ yóò máa pòkìkí Rẹ.

¹¹Wọn yóò sọ ògo ìjọba Rẹ wọn yóò sì sọ̀rọ̀ agbára Rẹ,

¹²Kí gbogbo ènìyàn le mọ isẹ́ agbára rẹ̀ àti ola ńlá ìjọba Rẹ tí ó lógo.

¹³Ìjọba Rẹ ìjọba ayérayé ni, àti ìjọba Rẹ wà ní gbogbo ìran-díran.

¹⁴OLÚWA mú gbogbo àwọn tí ó ṣubú ró ó sì gbé gbogbo àwọn tí ó tẹríba dìde.

¹⁵Ojú gbogbo ènìyàn ń wò ọ́, ó sì fún wọn ní oúnjẹ wọn ní àkókò tí ó yẹ

¹⁶Ìwọ sí ọwọ́ Rẹ ìwọ sì tẹ́ ìfẹ́ gbogbo ohun alààyè lọ́rùn.

¹⁷OLÚWA jẹ́ olódodo ní gbogbo ọ̀nà Rẹ̀ àti ìfẹ́ Rẹ̀ sí gbogbo ohun tí o dá.

¹⁸OLÚWA wà ní tòsí gbogbo àwọn tí ń ké pè é, sí gbogbo ẹni tí ń ké pè é ní òtítọ́.

¹⁹Ó mú ìfẹ́ àwọn tí ó bẹ̀rù Rẹ̀ ṣẹ; ó gbọ́ igbe wọn, ó sì gbà wọ́n.

²⁰OLÚWA dá gbogbo àwọn tí ó ní ìfẹ́ sẹ sí ṣùgbọ́n gbogbo àwọn ẹni búburú ní yóò parun.

²¹Ẹnu mi yóò sọ̀rọ̀ ìyìn OLÚWA. Jẹ́ kí gbogbo ẹ̀dá yín orúkọ Rẹ̀ mímọ́ láé àti láéláé.