Read Bíbélì Mímọ́ ní Èdè Yorùbá Òde-Òní Ìwé Sáàmù 146 Bible Online

Ìwé Sáàmù 146 - Bíbélì Mímọ́ ní Èdè Yorùbá Òde-Òní bible

Ìwé Sáàmù 146

¹Ẹ fi ìyìn fún OLÚWA, fi ìyìn fún OLÚWA, ìwọ ọkàn mi

²Èmi yóò yin OLÚWA ní gbogbo ayé mi èmi yóò kọrin ìyìn sí Ọlọ́run, níwọ̀n ìgbà tí mo bá wà láàyè.

³Ẹ má ṣe ní ìgbẹkẹ̀lé nínú àwọn ọmọ aládé, àní, ọmọ ènìyàn, lọ́wọ́ ẹni tí kò sí ìrànlọ́wọ́.

⁴Ẹ̀mí Rẹ jáde lọ, ó padà sí erùpẹ̀ Rẹ̀: Ní ọjọ́ náà gan, èrò wọn yóò di òfo:

⁵Ìbùkún ni fún ẹni tí Ọlọ́run Jákọ́bù ń ṣe ìrànlọ́wọ́ Rẹ̀ tí ìrètí Rẹ̀ wà nínú OLÚWA Ọlọ́run Rẹ̀,

⁶Ẹni tí ó dá ọ̀run òun ayé òkun àti ohun gbogbo tí ń bẹ nínú wọn OLÚWA, tí ó pa òtítọ́ mọ́ títí láéláé

⁷Ẹni tí ń ṣe ìdájọ́ àwọn tí a ni lára tí ó fi oúnjẹ fún àwọn tí ebi ń pa OLÚWA, tú àwọn oǹdè sílẹ̀ (ẹlẹ́wọ̀n)

⁸OLÚWA mú àwọn afọ́jú ríran OLÚWA, gbé àwọn tí a Rẹ̀ sílẹ̀ ga OLÚWA fẹ́ràn àwọn olódodo.

⁹OLÚWA ń dá ààbò bo àwọn àlejò ó sì ń dá àwọn aláìní baba àti opó sí ṣùgbọ́n ó ba ọ̀nà àwọn ènìyàn búburú jẹ́.

¹⁰OLÚWA jọba títí láé Ọlọ́run Rẹ, ìwọ Síónì, àti fún gbogbo ìran, Ẹ fi ìyìn fún OLÚWA.